Gall trosglwyddiadau balans eich helpu i ostwng cost benthyca eich cerdyn credyd a chydgrynhoi dyledion lluosog.
Beth sydd yn y canllaw hwn
Beth yw trosglwyddiad balans?
Pwysig
Gwnewch yn siŵr eich bod yn ad-dalu'r hyn sy'n ddyledus gennych cyn i'r cyfnod cyfradd llog rhagarweiniol ddod i ben. Peidiwch â chymryd yn ganiataol y byddwch yn gymwys i gael cynnig trosglwyddo balans arall.
Mae trosglwyddo'ch balans yn golygu symud dyled gyfan neu ran ohoni o un cerdyn credyd i'r llall.
Mae pobl yn aml yn eu defnyddio i fanteisio ar gyfraddau llog is - weithiau 0%.
Mae newid i gerdyn â chyfradd llog is yn caniatáu i chi:
- talu llai o log ar yr hyn sy'n ddyledus gennych ar hyn o bryd (ond fel rheol byddwch yn talu ffi)
- trefnu’ch cyllid trwy gyfuno taliadau misol lluosog yn un.
Beth yw trosglwyddiad arian?
Mae trosglwyddiad arian fel trosglwyddiad balans, ond yn lle bod yr arian yn mynd o un cerdyn credyd i'r llall, mae'r arian o'r cerdyn credyd yn mynd i'r cyfrif cyfredol o'ch dewis.
Mae hyn yn caniatáu i chi dalu gorddrafft, neu dalu bil hanfodol neu annisgwyl gan ddefnyddio cerdyn credyd, a allai godi cyfradd llog is arnoch chi.
Sut i drosglwyddo balans
Pan fyddwch yn gwneud cais am gerdyn credyd llog isel neu sero newydd, rydych yn cael cyfle i drosglwyddo unrhyw falansau eraill ar gardiau eraill ar y pwynt hwnnw. Neu gallwch gysylltu â'ch darparwr cerdyn credyd i drefnu trosglwyddiad.
Byddwch angen:
- manylion y cerdyn rydych chi am ei drosglwyddo
- rhif y cerdyn a'r darparwr
- y balans rydych am ei drosglwyddo.
Efallai y gallwch wneud hyn ar-lein.
Ydy eich incwm cartref yn cael ei wasgu?
Os ydych chi’n wynebu costau byw uwch, ond heb fawr o arian os o gwbl yn dod i mewn, darganfyddwch ffynonellau incwm ychwanegol a chymorth sydd ar gael i’ch helpu i reoli biliau cartref ac arbed arian yn ein canllaw Byw ar incwm gwasgedig
Faint mae'n ei gostio
Mae cwmnïau cardiau credyd fel arfer yn codi ffi am falans a throsglwyddiadau arian. Mae hyn yn aml oddeutu 2-4% o'r swm rydych yn ei drosglwyddo, a fydd yn cael ei ychwanegu at eich balans sy'n weddill.
Gwnewch yn siŵr eich bod yn gwirio'r ffi ac yn ystyried hyn wrth gyfrifo arbedion posibl, yn enwedig os yw'r cyfnod hyrwyddo 0% yn eithaf byr.
Pethau i wylio rhagddynt
Awgrym da
Peidiwch â phrynu gyda cherdyn credyd rydych wedi trosglwyddo balans iddo, gan mai dim ond yr hyn sydd gennych eisoes y byddwch yn ei ychwanegu.
- Cyfraddau llog - mae'r mwyafrif o drosglwyddiadau balans yn cynnig cyfradd llog well (0% yn aml) am gyfnod rhagarweiniol. Pan ddaw'r cyfnod hwnnw i ben, bydd y gyfradd llog yn codi. Felly mae'n bwysig eich bod yn gwybod pan fydd yn gorffen. Gwiriwch pa mor dda y mae'r gyfradd derfynol yn cymharu â chardiau eraill, a gweld a allwch gael cynnig gwell yn rhywle arall.
- Gwiriwch y terfynau trosglwyddo - gwiriwch â'ch darparwr credyd pa derfynau a allai fodoli.
- Byddwch yn ymwybodol, os ydych yn gwario yn defnyddio'ch cerdyn credyd trosglwyddo balans, bod cost y pryniannau rydych yn eu gwneud wedi'u cynnwys yn y cynnig 0%.
