Debydau Uniongyrchol ac archebion sefydlog

Mae’r rhain yn rhoi caniatâd i gwmni gymryd arian o’ch cyfrif banc ar ddyddiad a gytunir. Er enghraifft, efallai y byddwch yn defnyddio Debyd Uniongyrchol i dalu eich biliau nwy a thrydan.

Mae angen i'r cwmni roi gwybod i chi am unrhyw newid i'r swm neu'r dyddiad.

Mae’r rhain yn rhoi cyfarwyddyd i fanc dalu union swm penodol i'w cyfrif yn rheolaidd. Er enghraifft, gallech sefydlu archeb sefydlog i dalu’ch rhent.

Maent yn arbed amser ac ymdrech i chi, gan nad oes angen poeni am gofio talu bil. Ac rydych yn osgoi dirwyon am dalu’n hwyr.

Maent hefyd yn arbed arian. Mae llawer o ddarparwyr cyfleustodau, fel darparwyr nwy a thrydan, yn rhoi gostyngiad i chi am dalu drwy Ddebyd Uniongyrchol.

Ac maent yn ddiogel a sicr. Bydd y banc yn talu unrhyw daliadau anghywir yn ôl i chi.

Mae angen i chi gadw rheolaeth. Cadwch lygad ar eich Debydau Uniongyrchol a gwnewch yn siŵr fod gennych ddigon o arian yn eich cyfrif i wneud y taliadau. Ceisiwch sefydlu trefn atgoffa i chi’ch hun i wirio.

Mae hyn yn rhwydd i’w wneud, yn enwedig os oes gennych chi fynediad ar-lein i’ch cyfrif. Os na gallech wynebu costau gan eich banc – gweler Ydyn nhw’n costio unrhyw beth? isod.

Unrhyw un gyda Chyfrif cyfredol neu Gyfrif banc sylfaenol. Gellir defnyddio rhai cardiau rhagdaledig neu gyfrifon undeb credyd ond ni ellir gwneud hynny gyda chyfrifon cerdyn Swyddfa’r Post.

Mae'r isafswm oedran y gellir eu defnyddio yn seiliedig ar yr isafswm oedran am agor cyfrif banc, sydd ar gyfer rhai cyfrifon mor ifanc ag 11 oed, felly holwch eich banc neu eich cymdeithas adeiladu.

Bydd y sefydliad sy’n casglu’r taliadau’n dweud wrthych chi beth i’w wneud. Fel rheol rydych chi’n llenwi ffurflen ac yn ei hanfon atynt, neu’n ei sefydlu ar-lein neu dros y ffôn. Byddant yn rhoi gwybod i’ch banc chi.

Gallwch hefyd ganslo Debyd Uniongyrchol ar unrhyw adeg drwy gysylltu â’ch banc – gallwch wneud hyn weithiau drwy bancio ar-lein.

Na. Nid yw banciau’n codi tâl arnoch am wneud neu sefydlu Debydau Uniongyrchol.

Ond gwyliwch am daliadau a wrthodir. Os nad oes gennych ddigon o arian yn eich cyfrif i dalu Debyd Uniongyrchol gall eich banc wrthod gwneud y taliad a gall godi tâl arnoch. Mae'r tâl hyn fel arfer rhwng £5 a £25. Hyd yn oed os byddant yn gwneud y taliad gallech fynd i’r coch heb sylwi. Mae hyn yn golygu y bydd rhaid i chi dalu ffioedd gorddrafft.

Bydd nifer o fanciau yn ceisio cysylltu â chi os bydd taliad wedi methu felly bydd gennych chi amser i roi’r arian yna i mewn. Os na fyddant yn cynnig hyn, ystyriwch newid i ddarparwr sydd.

Mae’r Gwarant Debyd Uniongyrchol yn eich gwarchod chi. Mae hyn yn golygu os bydd y banc neu’r sefydliad sy’n casglu’r Debyd Uniongyrchol yn gwneud camgymeriad - fel cymryd y swm anghywir - gallwch gael ad-daliad gan eich banc.

Os yw’ch darparwr yn mynd i ddwylo'r gweinyddwyr, mae’r warant Debyd Uniongyrchol yn ôl disgresiwn y banc.

Os cewch broblem gyda Debyd Uniongyrchol, dylech gysylltu â’ch banc.

Maent yn ddefnyddiol pan na allwch ddefnyddio Debyd Uniongyrchol. Er enghraifft, er mwyn gwneud taliadau rheolaidd i unigolyn, fel eich landlord.

Gallwch eu defnyddio i symud arian rhwng eich cyfrifon eich hun. Gallai hyn fod yn ddefnyddiol, er enghraifft, os ydych eisiau talu swm penodol bob mis i gyfrif cynilo.

Gallwch sefydlu archebion sefydlog o Gyfrifon cyfredol a Chyfrifon banc sylfaenol. Gellir defnyddio rhai cardiau rhagdaledig neu gyfrifon undeb credyd - ond ni ellir gwneud hynny gyda Chyfrifon Cerdyn Swyddfa’r Post.

Gyda rhai banciau a chymdeithasau adeiladu, gallwch eu sefydlu ar-lein neu dros y ffôn.

Fel arall, gallwch lenwi ffurflen archeb sefydlog a’i rhoi i’ch banc. Bydd angen rhif y cyfrif a chod didoli y person rydych yn ei dalu.

Gallwch ganslo archeb sefydlog ar unrhyw adeg, neu newid y swm neu ddyddiad y taliad.

Na. Nid yw banciau yn codi ffi arnoch chi am sefydlu archebion sefydlog.

Ond gwyliwch am daliadau a wrthodir. Os nad oes digon o arian yn eich cyfrif i dalu archeb sefydlog gall eich banc wrthod gwneud y taliad a gall godi tâl arnoch. Fel arfer bydd y tâl hwnnw rhwng £5 a £25. Hyd yn oed os bydd y banc yn caniatáu’r taliad, gallech fynd i orddrafft heb sylwi – sy’n golygu y bydd rhaid i chi dalu taliadau a ffioedd gorddrafft

Golyga’r ‘broses ailgynnig’ bod gennych chi tan 2 pm ar y diwrnod - fel isafswm - i dalu arian i mewn i’r cyfrif ar gyfer y taliad pan fydd eich banc neu gymdeithas adeiladu yn rhoi ‘ailgynnig’ y diwrnod hwnnw.

Bydd llawer o ddarparwyr yn cysylltu â chi ar y diwrnod os bydd taliad wedi methu. Mae hyn fel bod gennych chi amser i roi arian yn eich cyfrif. Os nad yw eich banc neu gymdeithas adeiladu yn gwneud hyn, ystyriwch newid i ddarparwr sydd.

Dyma rhai awgrymiadau:

• Adolygwch eich archebion sefydlog yn rheolaidd, a stopio taliadau i wasanaethau nad oes eu hangen arnoch mwyach.
• Gwiriwch y manylion banc rydych chi’n eu rhoi, a’r swm a’r dyddiad talu.
• Eich cyfrifoldeb chi yw sicrhau bod y taliad am y swm cywir os bydd yn newid. Er enghraifft ar gyfer taliad morgais os yw’r cyfraddau llog yn newid.
• Os cewch chi broblem gydag archeb sefydlog, cysylltwch â’ch banc.

Mae’n bwysig peidio â chymysgu Debyd Uniongyrchol a Rheolau Sefydlog gydag awdurdodau taliad parhaol (CPAs).

Mae CPAs yn cymryd taliadau o’ch cerdyn debyd neu gredyd, tra bod Debyd Uniongyrchol a Rheolau Sefydlog yn cymryd taliadau o’ch cyfrif banc.

Mae’n well osgoi CPAs. Mae hyn oherwydd maent yn galluogi cwmnïoedd – fel benthycwyr diwrnod cyflog, neu wasanaethau tanysgrifio penodol, fel aelodaeth gampfa – gymryd yr arian maent yn credu sy’n ddyledus gennych iddynt, pan maent yn meddwl ei fod yn ddyledus iddynt.

Mae problemau hefyd wedi bod wrth ganslo CPAs.