Mae nifer o bobl yn breuddwydio am ymddeol dramor neu deithio yn yr hirdymor. Os ydych ystyried ymddeol dramor, mae’n bwysig deall sut gallai effeithio ar eich pensiynau.
Beth sydd yn y canllaw hwn
- A allaf gael fy mhensiwn os wyf yn byw dramor?
- A fyddaf yn talu treth ar fy mhensiwn yn y DU os byddaf yn byw neu’n symud dramor?
- Symud cyn i chi ddechrau cymryd incwm o’ch pensiwn
- A allaf gynilo i mewn i gynllun pensiwn y DU os wyf yn byw dramor?
- A ydych yn gymwys am ryddhad treth?
- Beth sy’n digwydd i’m Pensiwn y Wladwriaeth pan fyddaf yn symud dramor?
- Dychwelyd i’r DU
A allaf gael fy mhensiwn os wyf yn byw dramor?
Gellir talu pensiynau gweithle neu breifat i chi ble bynnag rydych yn byw.
Bydd gennych hawl i unrhyw gynnydd blynyddol sydd wedi cael eu hadeiladu i mewn yn yr un modd â phetaech yn byw yn y DU.
Os ydych yn ystyried symud dramor, gwnewch yn siŵr eich bod yn siarad â'ch cynllun pensiwn neu'ch darparwr cyn i chi symud.
Efallai na fydd rhai darparwyr ond yn gallu talu i mewn i gyfrif banc yn y DU.
Efallai y bydd darparwyr eraill yn talu i gyfrif banc dramor os gofynnwch iddynt. Byddwch yn ymwybodol y gallai fod costau ychwanegol i'w talu.
A chofiwch y bydd eich incwm pensiwn yn cael ei dalu mewn punnoedd. Mae hyn yn golygu y bydd amrywiadau mewn cyfraddau cyfnewid yn effeithio arno pan fyddwch yn ei drosi i'ch arian lleol.
Mae angen i chi fod yn barod i'ch incwm godi a chwympo oherwydd hyn.
Os bydd cyfraddau yn mynd yn eich erbyn, gall effeithio'n ddifrifol ar faint sydd gennych i fyw arno.
Angen mwy o wybodaeth am bensiynau?
Ffoniwch ni am ddim ar 0800 756 1012 neu defnyddiwch ein gwe-sgwrsYn agor mewn ffenestr newydd. Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, p’un ai yw hynny ar-lein neu dros y ffôn.
Oriau agor: Dydd Llun i ddydd Gwener, 9am i 5pm. Ar gau ar wyliau banc.
A fyddaf yn talu treth ar fy mhensiwn yn y DU os byddaf yn byw neu’n symud dramor?
Os ydych yn byw dramor, mae'n debygol y cewch eich ystyried fel preswylydd nad yw'n byw yn y DU a gallech wynebu sefyllfa dreth cymhleth.
Efallai y bydd yn rhaid i chi dalu treth y DU ar eich incwm pensiwn. Mae hyn oherwydd ei fod wedi'i ystyried yn incwm y DU. Efallai y bydd yn rhaid i chi dalu treth arno hefyd yn y wlad rydych yn byw ynddi.
Os oes ganddynt gytundeb trethiant dwblYn agor mewn ffenestr newydd gyda'r DU, efallai y gallwch wneud cais am ryddhad treth neu ad-daliad. Darganfyddwch fwy am dreth os byddwch yn symud dramorYn agor mewn ffenestr newydd yn GOV.UK.
Gallai cyfreithiau treth dramor eich atal rhag cymryd unrhyw arian o'ch pensiwn yn ddi-dreth. Gall hyn effeithio ar ba opsiynau pensiwn sydd orau i chi.
Er enghraifft, os nad ydych wedi cymryd eich cyfandaliad arian parod di-dreth o'ch pensiwn cyn i chi symud, efallai y cewch eich trethu arno fel incwm yn y wlad rydych chi'n byw ynddi.
Os ydych chi'n ystyried symud dramor neu eisoes yn byw dramor, mae'n werth cael cyngor rheoledig trawsffiniol arbenigol ar eich pensiwn a sut mae'n cael ei drethu. Gallwch ddefnyddio ein teclyn i ddod o hyd i gynghorydd ymddeoliad, ond efallai y bydd angen i chi wneud ymchwil bellach i ddod o hyd i arbenigwr lleol yn eich gwlad breswyl.
Darganfyddwch fwy am dreth os byddwch yn symud dramorYn agor mewn ffenestr newydd yn GOV.UK
Symud cyn i chi ddechrau cymryd incwm o’ch pensiwn
Os symudwch dramor cyn i chi ddechrau cymryd unrhyw incwm pensiwn, mae gennych ddau opsiwn:
- Stopio talu i mewn i'ch pensiwn a chymryd eich arian yn ddiweddarach - o 55 oed ar y cynharaf (mae hwn yn debygol o newid i 57 yn 2028). Gweler mwy o wybodaeth am y newid hwn yn ein herthygl Pryd allaf gymryd arian o fy mhensiwn?
- Parhau i dalu i'ch pensiwn. Ond byddwch yn ymwybodol y gallai swm y rhyddhad treth ar eich cyfraniadau fod yn gyfyngedig.
Mae'n bwysig gofyn am ddiweddariadau rheolaidd ar eich pensiwn os nad ydynt yn cael eu darparu'n awtomatig.
Pan fyddwch yn penderfynu dechrau cymryd arian o'ch pensiwn, yn gyffredinol mae gennych yr un opsiynau ag y byddai gennych petaech yn byw yn y DU.
Os nad yw’ch darparwr pensiwn yn cynnig yr opsiwn talu rydych ei eisiau
Ni fydd rhai darparwyr pensiwn yn caniatáu i breswylydd tramor sefydlu polisi newydd. Gallai hyn gyfyngu ar eich gallu i siopa o gwmpas.
Trosglwyddo pensiynau wrth symud dramor
Efallai y bydd yn bosibl trosglwyddo'ch pensiynau yn y DU i drefniant pensiwn dramor os yw'r cynllun pensiwn yn Gynllun Pensiwn Tramor Cydnabyddedig (QROPS).
I fod yn gymwys fel QROPS, rhaid cwrdd â rhai amodau.
Mae'n bwysig cael cyngor ariannol rheoledig gan arbenigwr ar bensiynau a throsglwyddiadau tramor cyn penderfynu.
Darganfyddwch fwy yn ein canllaw Symud eich pensiwn dramor
A allaf gynilo i mewn i gynllun pensiwn y DU os wyf yn byw dramor?
Gallwch fyw dramor a chynilo i mewn i gynllun pensiwn y DU. Ond mae terfynau i'r rhyddhad treth y gallwch ei hawlio ar eich cyfraniadau
Mae byw dramor, neu weithio i gyflogwr sydd wedi'i leoli dramor, yn golygu y gallai rhyddhad treth ar gyfraniadau fod yn gyfyngedig - neu ddim ar gael o gwbl.
A ydych yn gymwys am ryddhad treth?
Mae rhyddhad treth ar eich cyfraniadau wedi'i gyfyngu i b’un bynnag o'r symiau hyn sy'n uwch:
- eich enillion perthnasol yn y DU y gellir codi treth incwm y DU arnynt am y flwyddyn dreth honno; neu
- y swm sylfaenol o £3,600 lle darperir rhyddhad yn y ffynhonnell.
Mae cyfanswm y rhyddhad treth y gallwch elwa ohono hefyd wedi'i gyfyngu gan y Lwfans Blynyddol. Eich lwfans blynyddol yw'r uchafswm y gallwch ei gynilo yn eich cronfeydd pensiwn mewn blwyddyn dreth (6 Ebrill i 5 Ebrill) cyn y bydd rhaid i chi dalu treth.
I gael rhyddhad treth ar eich cyfraniadau, mae rhaid eich bod wedi bod yn unigolyn perthnasol yn y DU am y flwyddyn dreth honno. Rydych yn unigolyn perthnasol yn y DU os:
- oes gennych enillion perthnasol y DU y gellir codi treth incwm y DU arnynt am y flwyddyn dreth honno
- ydych yn preswylio yn y DU, neu
- oeddech yn preswylio yn y DU yn un o'r pum mlynedd dreth flaenorol ac, ar yr adeg roeddech yn preswylio, daethoch yn aelod o gynllun pensiwn cofrestredig yn y DU, neu
- ydych yn un o Weision y Goron – yn briod/partner sifil i un o Weision y Goron – ac mae gennych enillion sy'n ddarostyngedig i dreth y DU.
Darganfyddwch fwy yn ein canllaw Sut mae rhyddhad treth yn rhoi hwb i’ch cyfraniadau pensiwn
Beth sy’n digwydd i’m Pensiwn y Wladwriaeth pan fyddaf yn symud dramor?
Hawlio a derbyn Pensiwn y Wladwriaeth tra’n dramor
Gallwch hawlio a derbyn Pensiwn y Wladwriaeth y DU wrth fyw dramor.
Ond mae Credyd Pensiwn yn stopio pan fyddwch yn symud dramor yn barhaol. Mae hwn yn fudd-dal prawf modd, a all ychwanegu at eich incwm wythnosol.
Pan symudwch, mae angen i chi roi gwybod i’r Ganolfan Bensiwn Ryngwladol. Mae eu manylion cyswllt ar wefan GOV.UKYn agor mewn ffenestr newydd
Os ydych yn dod o Ogledd Iwerddon, mae angen i chi roi gwybod i’r Ganolfan Bensiwn Gogledd Iwerddon. Mae eu manylion cyswllt ar wefan nidirectYn agor mewn ffenestr newydd
Mae angen i chi hefyd gysylltu â Chyllid a Thollau EM (HMRC) i sicrhau eich bod yn talu'r swm cywir o dreth. Mae eu manylion cyswllt ar wefan GOV.UKYn agor mewn ffenestr newydd
Gellir talu'ch Pensiwn y Wladwriaeth i gyfrif banc neu gymdeithas adeiladu yn y DU, neu i gyfrif tramor yn yr arian lleol.
Byddwch angen y rhif cyfrif banc rhyngwladol (IBAN) a rhifau cod adnabod banc (BIC) os oes gennych gyfrif tramor.
Fe'ch telir yn yr arian lleol. Gallai hynny olygu y gall y swm a gewch newid oherwydd cyfraddau cyfnewid.
Yn union fel yn y DU, gallwch ddewis gohirio neu stopio cymryd eich Pensiwn y Wladwriaeth am amser a chael Pensiwn Ychwanegol y Wladwriaeth.
Os symudwch i wlad Ardal Economaidd Ewropeaidd ar neu ar ôl 1 Ionawr 2021, efallai y bydd eich hawl i rai budd-daliadau DU newid. Am y newyddion diweddaraf, ewch i GOV.UKYn agor mewn ffenestr newydd
Darganfyddwch fwy am sut i hawlio'ch Pensiwn y Wladwriaeth dramorYn agor mewn ffenestr newydd yn GOV.UK
Os ydych yn dod o Ogledd Iwerddon, darganfyddwch fwy am eich Pensiwn y WladwriaethYn agor mewn ffenestr newydd yn nidirect
Darganfyddwch am eich Pensiwn y Wladwriaeth yn ein canllaw Pensiwn y Wladwriaeth: trosolwg
Cynnydd a threth Pensiwn y Wladwriaeth pan fyddwch dramor
Os ydych yn byw dramor, mae'n debygol y cewch eich ystyried fel preswylydd nad yw'n byw yn y DU. Mae hyn yn golygu nad ydych fel arfer yn talu treth y DU ar eich Pensiwn y Wladwriaeth.
Ond efallai y byddwch yn talu treth yn y wlad rydych yn byw.
Darganfyddwch fwy am dreth ar eich incwm yn y DU os ydych yn byw dramorYn agor mewn ffenestr newydd yn GOV.UK
Os ydych yn byw yn y DU, mae Pensiwn y Wladwriaeth fel arfer yn codi bob blwyddyn. Ond os byddwch yn symud dramor, bydd gennych ond hawl i’r codiad blynyddol os ydych yn byw yn:
- Gibraltar neu'r Swistir
- Gwlad Ardal Economaidd Ewropeaidd
- Gwlad sydd â chytundeb nawdd cymdeithasol â'r DU.
Os symudwch i wlad yn yr Ardal Economaidd Ewropeaidd ar neu ar ôl 1 Ionawr 2021, gall eich hawl i rai budd-daliadau yn y DU newid. Am y wybodaeth ddiweddaraf, gwelwch wefan GOV.UKYn agor mewn ffenestr newydd
Os symudwch yn ôl i'r DU, byddwch yn derbyn cynnydd blynyddol.
Effaith cyn oedran Pensiwn y Wladwriaeth
Ni fyddwch yn adeiladu hawl i Bensiwn y Wladwriaeth y DU os ydych yn byw a’n gweithio tramor ac yn talu mewn i system nawdd cymdeithasol gwlad arall. Ond gall cyfraniadau nawdd cymdeithasol perthnasol a gafodd ei wneud mewn rhai gwledydd cyfri tua chwrdd â’r amodau cymhwyster am Bensiwn y Wladwriaeth DU os ydych yn cyfrannu i system nawdd cymdeithasol:
- gwlad yn yr Ardal Economaidd Ewropeaidd
- Y Swistir
- gwlad sydd â chytundeb nawdd cymdeithasol â'r DU
Enghraifft
- Wnaethoch chi weithio yn y DU am 5 mlynedd i adeiladu 5 mlynedd o flynyddoedd cymwys ar eich cofnod Yswiriant Gwladol erbyn i chi gyrraedd oedran Pensiwn y Wladwriaeth.
- Wnaethoch chi hefyd gweithio mewn gwlad EEA am 20 mlynedd a wnaethoch dalu cyfraniadau i nawdd cymdeithasol y wlad.
- Byddwch yn cwrdd lleiafswm y nifer o flynyddoedd gymwys a byddwch yn gymwys i dderbyn Pensiwn y Wladwriaeth Newydd o ganlyniad i’r amser wnaethoch weithio dramor. Ond bydd y swm rydych yn derbyn o dan Bensiwn y Wladwriaeth newydd yn seiliedig ar y 5 mlynedd o gyfraniadau Yswiriant Gwladol gwnaethoch yn y DU.
Os symudwch i wlad yn yr Ardal Economaidd Ewropeaidd ar neu ar ôl 1 Ionawr 2021, gall eich hawl i rai budd-daliadau yn y DU newid Am y wybodaeth ddiweddaraf, gwelwch wefan GOV.UKYn agor mewn ffenestr newydd
Efallai y byddwch hefyd yn gallu hawlio Pensiwn y Wladwriaeth o'r wlad rydych yn byw ynddi os ydych yn talu i mewn i'w chynllun pensiwn y wladwriaeth.
Dychwelyd i’r DU
Os dychwelwch i'r DU, mae angen i chi roi gwybod i’r Ganolfan Bensiwn Ryngwladol. Mae eu manylion cyswllt ar wefan GOV.UKYn agor mewn ffenestr newydd
Os ydych yn dod o Ogledd Iwerddon, mae angen i chi roi gwybod i’r Ganolfan Bensiwn Gogledd Iwerddon. Mae eu manylion cyswllt ar wefan nidirectYn agor mewn ffenestr newydd
Mae angen i chi hefyd gysylltu â HMRC i sicrhau eich bod yn talu'r swm cywir o dreth. Mae eu manylion cyswllt ar wefan GOV.UKYn agor mewn ffenestr newydd
Llinell gymorth Preswylio HMRC yw 0300 200 3300 yn y DU. Neu ffoniwch +44 135 535 9022 o'r tu allan i'r DU.
Mae hefyd yn bwysig eich bod yn roi gwybod i’ch gweithle neu ddarparwyr pensiwn personol.
Os nad yw'ch Pensiwn y Wladwriaeth wedi bod yn codi tra'ch bod dramor a'ch bod yn aros yn y DU am fwy na chwe mis, bydd yn cael ei gynyddu i'r gyfradd gyfredol.
