Beth yw’r Lwfans Blynyddol Prynu Arian?

Y prif sefyllfaoedd lle byddwch yn gweithredu’r MPAA yw:

• os cymerwch eich cronfa bensiwn cyfan fel cyfandaliad neu ddechrau cymryd cyfandaliadau o’ch cronfa bensiwn (ond edrychwch ar y rheolau arbennig ar waelod yr adran hwn am gronfeydd bychan)
• os rhowch arian eich cronfa bensiwn i mewn i gronfa incwm lle gallwch dynnu incwm ohoni’n hyblyg a dechrau gwneud hynny
• os prynwch flwydd-dal hyblyg neu’n gysylltiedig â buddsoddiad lle gallai’ch incwm ostwng
• os oes gennych gynllun tynnu arian i lawr wedi’i gapio a ddechreuodd cyn Ebrill 2015 a dechrau cymryd taliadau sy’n uwch na’r cap.

Ni fydd yr MPAA yn cael ei weithredu fel arfer: 

• os cymerwch gyfandaliad di-dreth a phrynu blwydd-dal oes sy’n rhoi incwm a warantir am oes sydd unai’n aros fel ag y mae neu’n cynyddu
• os cymerwch gyfandaliad arian parod di-dreth a rhoi eich cronfa bensiwn mewn cynnyrch tynnu incwm yn hyblyg ond ni fyddwch yn cymryd unrhyw incwm ohono

Mae rheolau arbennig os ydych am gyfnewid nifer o gronfeydd pensiwn bach gwerth llai na £10,000, yna gwnewch yn siŵr eich bod yn gwirio gyda’ch darparwr y bydd yn cael ei drin fel un a gymerwyd o dan rheolau cyfandaliad cronfa fach.  Fel arall, mae yna risg y bydd yr MPAA yn cael ei weithredu.

Yna efallai y bydd lwfans amgen ar gael i chi o hyd, hyd at £36,000 bob blwyddyn dreth. Gallwch siarad â'ch darparwr pensiwn neu weinyddwr i gael mwy o fanylion ar sut mae hyn yn gweithio.

Ni allwch gyflwyno unrhyw lwfansau blynyddol sydd heb gael ei ddefnyddio o'r tair blynedd dreth flaenorol i ganiatáu cyfraniadau o fwy na £4,000 i bensiwn cyfraniadau wedi’u diffinio. Efallai y byddai'n bosibl cario lwfans blynyddol sydd heb ei ddefnyddio ymlaen i'w ddefnyddio mewn pensiynau buddion wedi’u diffinio.

Dim ond o'r diwrnod ar ôl i chi gymryd buddion hyblyg y bydd lwfans blynyddol prynu arian MPAA yn dechrau bod yn berthnasol. Mae hyn yn golygu nad yw unrhyw cynilion blaenorol yn cael eu heffeithio.