A ddylech chi glirio’ch morgais yn gynnar?

Os gallwch fforddio gwneud taliadau ychwanegol, mae gordalu’ch morgais yn golygu eich bod chi’n talu llai o log yn y dyfodol ac yn ad-dalu’ch morgais yn gynt. Mae hyn yn golygu y gallech arbed llawer o arian.

Ar forgais o £150,000 am 5% gyda 25 mlynedd yn weddill, mae talu cyfandaliad o  £5,000 yn lleihau’r llog gan £11,500 ac mae’n golygu y byddech yn ei ad-dalu 18 mis ynghynt.

Mae gordalu pan fydd cyfraddau llog yn isel yn golygu y bydd gennych forgais llai os oes cyfraddau llog uwch yn y dyfodol.

Fodd bynnag, yn dibynnu ar eich amgylchiadau, mae yna rhai cwestiynau y mae angen i chi eu gofyn i chi’ch hun.

A ddylech chi gynilo neu glirio eich morgais yn gynnar? Atebwch y cwestiynau hyn i’ch helpu i benderfynu.

Dyledion drud yw’r rheini sy’n costio llawer o arian i’w clirio dros amser.

Mae cardiau credyd a chyfrifon catalog, er enghraifft yn codi cyfradd uchel o log dros flwyddyn gyfan.

Gallai dyledion drud eraill gynnwys benthyciadau ansicredig, ble mae’r gyfradd log yn uwch o lawer na chost eich benthyciad morgais.

Dylech bob amser glirio eich dyledion mwy drud cyn meddwl am leihau eich morgais – ond peidiwch â gadael iddynt gynyddu eto.

Mae pensiynau’n ddull treth-effeithlon o gynilo oherwydd mae’r llywodraeth yn ychwanegu at eich cyfraniadau gyda rhyddhad treth.

Ac, os oes gennych chi bensiwn gweithledylai eich cyflogwr dalu i mewn i’r cynllun hefyd.

Os nad oes gennych bensiwn ac mae gennych arian yn sbâr, mae’n bwysig i feddwl am dalu i mewn i un.

Po gynharaf y byddwch chi’n dechrau, mwyaf buan y bydd eich pot ymddeol yn dechrau tyfu. Gyda chyfraniadau cyflogwr a rhyddhad treth gan y llywodraeth, efallai y cewch fwy am eich arian mewn pensiwn nag y byddech yn ei arbed mewn llog morgais.

A oes gennych chi ddibynyddion? Mae’r gost o gael yswiriant bywyd yn gymharol isel.  Os nad oes gennych hyn eisoes ac mae gennych deulu neu ddibynyddion eraill, dyma’r amser i’w ystyried.

Os ydych chi eisoes yn cyfrannu i gynllun pensiwn, yn lle rhoi arian ychwanegol yn eich morgais, gallai wneud mwy o synnwyr ei ychwanegu at arbedion.

Hynny yw os gallwch chi ddod o hyd i un sy’n talu cyfradd log uwch na’r gyfradd a godir arnoch chi ar eich morgais.

Gwnewch yn siŵr eich bod wedi cynilo digon o arian i’ch cadw i fynd am o leiaf dri mis cyn talu eich morgais yn gynnar.

Gwiriwch eich dêl morgais er mwyn cael darlun cywir o sut gall taliadau a godir ostwng unrhyw arbediadau, sy’n deillio o ordalu eich morgais.

Gallent godi tâl arnoch am dalu eich morgais yn gynnar neu am wneud taliad misol, sy’n fwy na’ch terfyn misol a gytunwyd. Gallai fod yn well defnydd o’ch arian i gynilo a gordalu ychydig cyn i chi ailforgeisio.

Bydd llawer o fenthycwyr yn gadael i chi ordalu hyd at 10% y flwyddyn heb gosbau.

Mae morgeisi hyblyg – gan gynnwys morgeisi wedi’u hoffsetio – yn gadael i chi ordalu eich morgais ac yn tynnu’r arian yn ôl os ydych ei angen – i gyd heb godi tâl arnoch.

Os ydych, ar ôl pwyso a mesur yr holl ffeithiau, yn penderfynu gordalu, yna mae angen i chi amseru’r peth yn gywir.

Os codir llog eich morgais arnoch yn ddyddiol, yna mae’n fanteisiol i chi wneud y gordaliad cyn gynted ag y medrwch.

Os codir ef yn flynyddol, yna mae angen i chi amseru eich gordaliad fel ei fod yn cyfrif tuag y cyfrifiad o’r llog ar gyfer y flwyddyn.