Cynlluniwyd Credyd Treth Gwaith i ychwanegu at eich enillion os ydych yn gweithio ac ar incwm isel. Ond mae’n cael ei ddisodli a bellach mae’n rhaid i’r rhan fwyaf o bobl wneud cais am Gredyd Cynhwysol yn lle. Os ydych yn cael Credyd Treth Gwaith, darganfyddwch sut mae'r newid hwn yn effeithio arnoch.
Credyd Cynhwysol a Chredyd Treth Gwaith
Yn wahanol i Gredydau Treth Gwaith, nid oes unrhyw derfynau i'r oriau y gallwch weithio ar Gredyd Cynhwysol.
Darganfyddwch fwy yn ein canllaw Egluro Credyd Cynhwysol
Os ydych eisoes yn cael Credyd Treth Gwaith
A ydych eisoes yn hawlio Credyd Treth Gwaith? Yna mae sut a phryd y byddwch yn symud i Gredyd Cynhwysol yn dibynnu ar a oes rhaid i chi wneud cais newydd oherwydd newid mewn amgylchiadau.
Credydau treth a newid mewn amgylchiadau
Mae’n rhaid i chi ddweud wrth Gyllid a Thollau EM (CThEM) (adran y llywodraeth sy'n rhoi Credydau Treth) cyn pen 30 diwrnod os oes gennych newid mewn amgylchiadau. Gallai hyn fod fel:
- colli swydd
- cael plentyn
- dechrau gweithio llai nag 16 awr yr wythnos.
Cymorth i Gynilo
Os ydych ar Gredyd Treth Gwaith, mae cyfrif Cymorth i Gynilo yn rhoi bonws hyd at 50% i chi gan y llywodraeth ar eich cynilion.
Darganfyddwch fwy yn ein canllaw Esbonio Cymorth i Gynilo
Gallai hyn olygu y bydd rhaid i chi wneud cais newydd am Gredyd Cynhwysol. Bydd Cyllid a Thollau EM yn dweud wrthych beth sydd angen i chi ei wneud.
Ffoniwch y Llinell Gymorth Credyd Treth ar 0300 200 1900 i roi gwybod iddynt am unrhyw newid yn eich amgylchiadau.
Darganfyddwch fwy yn ein canllaw Sut fydd symud i Gredyd Cynhwysol yn effeithio arnaf fi?
Gwasanaeth Help i Hawlio Cyngor ar Bopeth
Os ydych yn gwneud cais am Gredyd Cynhwysol am y tro cyntaf, mae’r gwasanaeth Help i Hawlio Cyngor ar Bopeth yn gyfrinachol ac am ddim. Gallant eich helpu i:
- wirio a oes gennych hawl i Gredyd Cynhwysol
- cael eich gwaith papur a’ch dogfennau pwysig at ei gilydd i gyflymu’ch cais
- llenwi eich cais ar-lein.
Cymru a Lloegr
Am fwy o fanylion, ac i ddod o hyd i'ch cangen agosaf ewch i Cyngor ar Bopeth
Neu yng Nghymru, ffoniwch 0800 024 1220 a Lloegr, ffoniwch 0800 144 8444
Yr Alban
Ymwelwch â Citizens Advice Scotland neu ffoniwch 0800 023 2581
Gogledd Iwerddon
Mae Credyd Cynhwysol yn gweithio yn wahanol. Darganfyddwch fwy ar nidirect
Credyd Treth Gwaith a help gyda chostau gofal plant
Ydych chi'n cael Credyd Treth Gwaith, yn gweithio o leiaf 16 awr yr wythnos ac yn talu am ofal plant? Yna efallai y gallwch hawlio ‘elfen gofal plant’ Credyd Treth Gwaith. Bydd hyn yn helpu gyda hyd at 70% o'ch costau gofal plant.
- os ydych yn gwpl, mae angen bod y ddau ohonoch yn gweithio o leiaf 16 awr yr wythnos i fod yn gymwys
- gallwch fod yn gymwys os ydych yn gyflogedig neu’n hunangyflogedig
Help gyda chostau byw
Ydych chi’n poeni am arian oherwydd rhent cynyddol, biliau ynni uchel neu ddyled? Os felly, rydym yma i helpu.
Cymerwch y camau cyntaf i ddod o hyd i’ch ffordd ymlaen gyda’n canllawiau i’ch helpu gyda chostau byw.
Gan amlaf, mae’n rhaid i chi ddefnyddio gofal plant cofrestredig neu gymeradwy. Gall hyn gynnwys gofalwyr plant, cylchoedd meithrin a meithrinfeydd.
Darganfyddwch fwy am gael help i dalu am ofal plant ar GOV.UKYn agor mewn ffenestr newydd
Faint allwch chi ei gael?
Gyda’r elfen gofal plant, gallwch gael help gyda hyd at 70% o’ch costau gofal plant. Mae hyn hyd at uchafswm penodol o drothwyon wythnosol.
| Nifer o blant | Os ydych yn talu hyd at: | Gallwch gael hyd at: |
|---|---|---|
|
Un |
£175 yr wythnos |
£122.50 yr wythnos |
|
Un neu fwy |
£300 yr wythnos |
£210 yr wythnos |
Os ydych yn talu mwy na hyn am ofal plant, dim ond yr uchafswm o’r symiau a restrir uchod y byddwch yn medru eu cael.
Os ydych yn gymwys am yr elfen gofal plant, ni fyddwch o reidrwydd yn cael y symiau llawn.
Bydd faint a gewch yn dibynnu ar:
- eich incwm
- yr oriau rydych yn eu gweithio
- eich costau gofal plant.
Os ydych eisoes yn hawlio credydau treth, ffoniwch y Llinell Gymorth Credyd Treth i ddiweddaru'ch cais.
Ffoniwch y llinell gymorth Credyd Treth
Ffoniwch 0300 200 1900 neu ysgrifennwch at y Swyddfa Credyd Treth i ddweud wrthyn nhw eich bod nawr yn hawlio Credyd Cynhwysol. Darganfyddwch fwy ar GOV.UK
Cadw’ch credydau treth yn gyfredol
Mae angen i chi adnewyddu’ch cais am gredydau treth erbyn 31 Gorffennaf bob blwyddyn os ydych eisiau parhau i'w cael.
Bydd Cyllid a Thollau EM (CThEM) yn ysgrifennu atoch i ddweud wrthych beth sydd angen i chi ei wneud i adnewyddu eich credydau treth.
Os bydd eich amgylchiadau'n newid ar unrhyw adeg yn ystod y flwyddyn, ffoniwch Gyllid a Thollau EM ar 0300 200 1900 i roi gwybod iddynt. Er enghraifft, os bydd eich incwm yn newid, bydd eich plentyn yn gadael cartref neu'n symud tŷ.
Gall newidiadau yn eich amgylchiadau effeithio ar faint o arian a gewch, neu olygu bod rhaid i chi wneud cais newydd am Gredyd Cynhwysol.
Darganfyddwch fwy am newidiadau a all effeithio eich credydau treth ar GOV.UKYn agor mewn ffenestr newydd
Credydau treth a newidiadau incwm
Pwysig
Mae yna newidiadau eraill i amgylchiadau efallai y bydd angen i chi roi gwybod i CThEM amdanynt ar wahan i newidiadau incwm.
Darganfyddwch fwy ar GOV.UK
Y swm y gall eich incwm newid cyn i chi orfod dweud wrth Gyllid a Thollau EM yw £2,500. Diystyru incwm yw’r enw ar hyn.
Os aiff eich incwm i fyny
Os yw’ch incwm yn cynyddu o £2,500 neu fwy a’ch bod yn oedi cyn rhoi gwybod i CThEM neu aros tan fod eich cais yn cael ei ailasesu, efallai y byddwch yn canfod eich bod wedi cael gordaliad o gredydau treth.
Fe ofynnir i chi dalu’r arian ychwanegol hwn yn ôl. Bydd hyn naill ai trwy leihau eich credydau treth yn y dyfodol neu drwy daliadau uniongyrchol os yw'ch credydau treth wedi dod i ben.
Er mwyn osgoi bil, mae’n bwysicach fyth dweud wrth CThEM o fewn 30 niwrnod pan fyddwch yn cael yr arian ychwanegol.
Bydd yn haws addasu eich credydau treth, a lleihau’r posibilrwydd y bydd gofyn i chi dalu am y gordaliadau yn ddiweddarach.
Os aiff eich incwm i lawr
Os yw’ch incwm yn gostwng o £2,500 neu fwy, efallai y bydd gennych hawl i fwy o gredydau treth, neu ofyn i chi wneud cais am Gredyd Cynhwysol.
Dywedwch wrth CThEM cyn gynted â phosibl ynglŷn â’r newid yn eich amgylchiadau.
Ydy eich incwm cartref yn cael ei wasgu?
Os ydych chi’n wynebu costau byw uwch, ond heb fawr o arian os o gwbl yn dod i mewn, darganfyddwch ffynonellau incwm ychwanegol a chymorth sydd ar gael i’ch helpu i reoli biliau cartref ac arbed arian yn ein canllaw Byw ar incwm gwasgedig
Os byddwch wedi cael gordaliad o gredydau treth
Os gofynnir i chi ad-dalu credydau treth ac y byddwch yn cael anhawster talu, siaradwch â CThEM cyn gynted â phosibl.
Cadw’ch credydau treth yn gyfredol
Mae angen i chi adnewyddu eich cais am gredydau treth erbyn 31 Gorffennaf bob blwyddyn os ydych am ddal i'w cael.
