Efallai’ch bod eisoes wedi penderfynu eich bod angen cynnyrch cynilo neu fenthyca, ond beth dylech ei ystyried wrth ddewis pa un sydd orau i chi? Byddwn yn dangos i chi beth dylech fod yn chwilio amdano i wneud yn siŵr eich bod yn cael y cynnyrch addas i chi.
Beth sydd yn y canllaw hwn
Gwylio’r gyfradd llog
P’un a ydych yn chwilio am gynnyrch cynilo (ISAs a chyfrifon cynilo) neu gynnyrch benthyca (benthyciadau a chardiau credyd), mae’r gyfradd llog yn bwysig.
I’w gwneud yn haws i gymharu cynnyrch yn erbyn ei gilydd, mae dau derm sy’n dangos cyfanswm y llog i chi am un flwyddyn:
- Cyfradd Flynyddol Gyfatebol (AER) – dyma gyfanswm y llog fyddwch yn ei dderbyn ar eich cynilion mewn un flwyddyn. Dangosir hyn fel canran, po fwyaf yw’r AER, y mwyaf o log fyddwch yn ei dderbyn.
- Cyfradd Ganrannol Flynyddol (APR) – mae hyn yn dangos cyfanswm y llog (gan gynnwys unrhyw daliadau neu ffioedd rheoli) y byddwch yn talu ar eich benthyca mewn un flwyddyn. Dangosir hyn fel canran, po fwyaf yw’r APR, y mwyaf y byddwch yn ei dalu am eich benthyciad.
Pan fyddwch yn chwilio am gynnyrch cynilion neu fenthyca, chwiliwch am yr AER neu APR i helpu eu cymharu
Cyfrifiannell cynilo
I weithio allan faint fydd cyfradd llog AER yn cynyddu'r arian y gallwch fforddio ei arbed, defnyddiwch ein Cyfrifiannell Cynilo
Talu dyled ddrud cyn cymryd mwy
Os oes gennych ddyled eisoes, mae'n bwysig ystyried ei ad-dalu cyn tynnu mwy neu ddewis rhoi unrhyw arian sydd gennych mewn cynilion.
Darganfyddwch fwy ynghylch a ddylid talu dyled neu roi arian mewn cynilion yn ein canllaw A ddylech gynilo, neu dalu dyledion benthyg a chardiau?
Ydych chi wedi methu taliad?
Defnyddiwch ein Teclyn Lleolwr cyngor ar ddyledion i ddod o hyd i gyngor ar ddyledion diduedd ac am ddim ar-lein, dros y ffon neu yn agos at le rydych yn byw.
Peidiwch mond â dewis y gyfradd llog orau
Er bod y gyfradd llog yn bwysig iawn, ni ddylai fod yr unig beth rydych yn edrych amdano.
Efallai na fydd y cynnyrch â'r gyfradd llog orau bob amser yr un gorau i chi.
| Beth i’w wirio | Disgrifiad |
|---|---|
|
Balans agoriadol |
Faint fyddwch ei angen i agor cyfrif. Gall hyn amrywio o £0 i dros £1,000. |
|
Taliadau cyson |
Mae rhai cyfrifon cynilo yn gofyn i chi dalu swm penodol i mewn bob mis. Gydag eraill, gallwch roi un cyfandaliad i mewn a’i adael am faint o amser ag y mynnwch. |
|
Cyfnod rhybudd – pa mor fuan gallwch gael mynediad at eich arian |
Mae nifer o gyfrifon cynilo yn cynnig mynediad i chi ar unwaith, sy’n golygu y gallwch gael gafael ar eich arian pryd bynnag y mynnwch. Mae rhai yn cynnig cyfraddau llog uwch os byddwch yn rhoi rhybudd o 30 niwrnod neu hyd yn oed 90 niwrnod cyn cael eich arian. |
|
Nifer o alldyniadau – sawl gwaith y gallwch dynnu arian allan bob blwyddyn |
Mae rhai cyfrifon cynilo yn cyfyngu sawl gwaith gallwch dynnu arian allan bob blwyddyn. Fel arfer, y cyfrifon â’r nifer isaf o alldyniadau mewn blwyddyn yw’r rhai â’r gyfradd llog uchaf. |
|
Sut i gael mynediad at y cyfrif |
Mae’n werth edrych a allwch gael mynediad at eich cyfrif ar-lein, dros y ffôn, yn y gangen neu hyd yn oed trwy’r post. Os ydych yn hoffi bancio ar-lein, efallai y byddwch eisiau bancio yn defnyddio ap ar eich ffôn, neu negeseuon testun sy’n rhoi’ch balans i chi. |
|
Rhoddion am ddim |
Mae rhai banciau neu gymdeithasau adeiladu yn cynnig rhoddion deniadol am ddim am agor cyfrifon cynilo â hwy. Byddwch yn siŵr eich bod yn agor y cyfrif am mai dyma’r un sy’n bodloni’ch anghenion orau, nid dim ond oherwydd y rhoddion. |
Darganfyddwch fwy yn ein canllaw Cipolwg ar gynilion arian parod
Ymunwch â'n grŵp Facebook
Ymunwch â'n grŵp preifat Facebook Cyllidebu a Chynilo i gael awgrymiadau a chefnogaeth i arbed arian gan gymuned o gynilwyr.
| Beth i’w wirio | Disgrifiad |
|---|---|
|
A oes arnoch wir angen benthyca? |
Y peth cyntaf y dylech ei wneud bob tro yw gwirio a ydych wir angen benthyg. Mae benthyg yn ymroddiad ariannol drud a mawr, felly peidiwch â benthyg oni bai’ch bod wir angen gwneud hynny. |
|
Y tymor – am ba hyd ydych yn benthyg yr arian |
Po fwyaf yw’r cyfnod hwn, po fwyaf y byddwch yn ei dalu’n ôl. |
|
A yw’r benthyciad yn warantedig neu’n anwarantedig? |
Mae benthyciad gwarantedig fel arfer wedi ei osod yn erbyn eich cartref neu gar. Mae hyn yn golygu os nad ydych yn gwneud y taliadau, mae perygl y bydd eich car yn cael ei adfeddiannu. |
|
Cosbau ad-dalu’n gynnar |
Mae rhai cynnyrch benthyca yn codi ffi gosb arnoch os ydych yn talu’r ddyled yn gynnar. Darganfyddwch a yw’n berthnasol i chi a faint fyddai hyn. |
Darganfyddwch fwy yn ein canllaw Gwneud yn siŵr eich bod yn gallu fforddio benthyca
Help gyda chostau byw
Poeni am arian oherwydd rhenti cynyddol, biliau ynni uchel neu ddyled? Os felly, rydym yma i helpu.
Cymerwch y camau cyntaf i ddod o hyd i'ch ffordd ymlaen gyda'n canllawiau i'ch helpu gyda chostau byw.
