Bandiau treth car wedi’u hegluro

Rhaid trethu cerbyd a gedwir oddi ar y ffordd neu mae’n rhaid iddo gael Hysbysiad Oddi-ar-y-ffordd Statudol (SORN).

Gallwch wirio faint o dreth ffordd fydd yn ddyledus ar fodelau ceir newydd a hŷn ar un o’r dolenni isod.

Rhaid ei adnewyddu bob blwyddyn hyd yn oed os yw eich cyfradd dreth yn £0. Gallwch ei wneud ar-lein gyda'r gyfrifiannell cyfraddau treth cerbydau ar GOV.uk (Opens in a new window)

Nid oes rhaid i chi dalu treth car ar ‘gerbydau hanesyddol’ sy’n golygu car sy’n hŷn na 40 mlwydd oed.

Ar hyn o bryd nid oes treth i'w thalu ar geir trydan. O 31 Mawrth 2025, bydd y rhai sydd â cheir trydan yn talu £10 yn eu blwyddyn gyntaf, ac o'r ail flwyddyn byddant yn talu'r gyfradd safonol - sef £190 ar hyn o bryd.

Ar gyfer ceir a gofrestrwyd gyntaf ar ôl 31 Mawrth 2025, os ydynt dros £40k bydd ychwanegiad 'car drud' i'w dalu. Felly, yn seiliedig ar y cyfraddau cyfredol byddai hynny'n gyfanswm o £600 (£190+£410) am bum mlynedd. Gweler isod am y cyfraddau presennol.

Ym mlwyddyn gyntaf y car, bydd cyfraddau trwydded yn newid yn seiliedig ar allyriadau carbon deuocsid y cerbyd

Bydd y cyfraddau hyn yn cynyddu o 1 Ebrill 2025:

Ar ôl blwyddyn gyntaf y car, ar gyfer ceir sydd â phris gwerthu dan £40,000, y costau treth car yw:

Ar gyfer ceir sy’n costio mwy na £40,000, byddwch yn talu £410 yn ychwanegol am y pum mlynedd nesaf o'r ail dro i'r cerbyd gael ei drethu. Nid oes rhaid i chi dalu hwn os oes gennych gerbyd sydd ag allyriadau sero. Ar ôl chwe mlynedd o ddyddiad y cofrestriad cyntaf, byddwch yn talu’r gyfradd flynyddol safonol yn ddibynnol ar y math o danwydd a ddefnyddir gan eich cerbyd.

Felly, er enghraifft, byddai car petrol gyda phris prynu dros £40,000 yn talu £600 (£190+£410) am y pum mlynedd nesaf.

Y pris prynu yw’r pris a gyhoeddir cyn unrhyw ostyngiadau ar y cofrestriad cyntaf. Gwiriwch y pris prynu gyda’ch gwerthwr ceir er mwyn i chi wybod faint o dreth cerbyd fydd yn rhaid i chi ei dalu.

Mae costau treth cerbydau ychydig yn wahanol os ydych yn talu bob mis, pob chwe mis, neu drwy Ddebyd Uniongyrchol. Gallwch ddarllen am y gwahanol ffyrdd o dalu ar safle GOV.UK(Opens in a new window)

Mae cyfradd y dreth rydych yn ei dalu’n dibynnu ar allyriadau CO2 swyddogol y car a’r math o danwydd mae’n ei ddefnyddio.

Mae’r cyfraddau wedi eu rhannu yn fandiau, yn seiliedig ar faint o ramau o garbon deuocsid (CO2) mae car yn eu hallyrru am bob cilometr a yrrir:

Gallwch rannu’r taliadau hyn er mwyn helpu i reoli’r costau ond bydd angen i chi dalu ychydig yn fwy i wneud hyn. 

Mae cyfradd y dreth yn seiliedig ar faint y peiriant yn unig. Mae un gyfradd ar gyfer peiriannau hyd at 1549cc ac un ar gyfer 1549cc a drosodd.

Gallwch ledaenu cost treth car trwy dalu bob mis, pob chwe mis neu drwy Ddebyd Uniongyrchol blynyddol.

Gallwch sefydlu Debyd Uniongyrchol pan fyddwch yn trethu'ch cerbyd (Opens in a new window) ar-lein neu mewn Swyddfa Bost.

Nid oes angen i chi fod yn geidwad cofrestredig y cerbyd i sefydlu Debyd Uniongyrchol.

Anfonir e-byst a llythyrau am daliadau Debyd Uniongyrchol at ddeiliad y cyfrif.

Mae'r swm rydych yn ei dalu (Opens in a new window) yn dibynnu ar ba mor aml rydych am wneud taliad. Mae gordal o 5% os ydych yn talu:

• yn fisol

• pob chwech mis.

Nid oes unrhyw ordal os ydych yn talu'n flynyddol.

Mae allyriadau is yn golygu bod VED ar feiciau modur, mopeds a beiciau modur tair olwyn fel arfer yn is nag ar gyfer cerbydau petrol a diesel.

Mae costau treth cerbydau ychydig yn wahanol os ydych yn talu bob mis, pob chwe mis, neu drwy Ddebyd Uniongyrchol. Gallwch ddarllen am y gwahanol ffyrdd o dalu ar safle GOV.UK (Opens in a new window)

Nid oes angen i DVLA weld cerbyd heb dreth ar y ffordd i weithredu. Mae unrhyw gerbyd a welir ar y ffordd ac nad yw'n cael ei drethu, neu sy'n cael ei ddatgan yn Hysbysiad Oddi-ar-y-ffordd Statudol SORN ac nad yw'n cael ei gadw oddi ar y ffordd, mewn perygl o gael ei glampio neu ei bowndio gan un o dimau gorfodaeth DVLA.

Bydd DVLA yn anfon nodyn atgoffa atoch pan fydd eich treth cerbyd yn ddyledus. Bydd hyn yn cynnwys yr holl wybodaeth sydd ei hangen arnoch i drethu ar-lein.

Os na fyddwch yn trethu ar amser, bydd llythyr cosb trwyddedu hwyr yn dilyn hyn. Mae hon yn ffi o £80 i ddechrau, ond mae'n cael ei ostwng i £40 os caiff ei thalu o fewn 33 diwrnod.

Os na thelir y gosb, anfonir eich gwybodaeth at gasglwr dyledion i adennill y taliad. Efallai y byddwch hefyd mewn perygl o gael eich erlyn trwy'r llys os ydych yn defnyddio cerbyd heb dreth.

Mae gan y DVLA nifer o gamau eraill i atal osgoi talu treth cerbydau. Mae'r rhain yn amrywio o lythyrau atgoffa, cosbau ac erlyniadau llys hyd at ddefnyddio camerâu ANPR, clampio olwynion a symud cerbydau heb drwydded.

Nid yw treth ar gerbydau yn cael ei throsglwyddo pan gânt eu gwerthu.

Er enghraifft, pan brynwch gar y mae rhywun arall wedi’i drethu’n flaenorol, nid yw’n cyfrif os oedd dau fis o dreth yn weddill ar y cerbyd ar ôl i chi ei brynu. Bydd angen i chi dalu’r dreth ar y cerbyd cyn i chi fedru ei yrru.

Golyga hefyd, os ydych yn gwerthu cerbyd, gallwch hawlio ad-daliad am unrhyw fisoedd llawn sydd yn weddill. Rhoddir ad-daliad fel mater o drefn pan fyddwch yn dychwelyd y rhan gwerthu neu drosglwyddo o’r ffurflen V5C i’r DVLA.

Felly hefyd ar gyfer Hysbysiad Oddi-ar-y-ffordd Statudol (SORN) ar gerbyd. Os prynwch gerbyd sydd yn SORN, bydd angen i chi ddweud wrth y DVLA ei fod yn cael ei gadw oddi ar y ffordd a chael SORN newydd.

Nawr, pan fyddwch yn prynu cerbyd, ni fydd y dreth car yn cael ei throsglwyddo mwyach gyda’r cerbyd. Felly, rhaid i chi ei drethu cyn y gallwch ei ddefnyddio.

Yn ddibynnol ar ble fyddwch yn gyrru a pha ffyrdd ddefnyddiwch, efallai y bydd rhaid i chi dalu tollau a chostau ychwanegol.

Mae tollffyrdd i’w defnyddio sef, ymysg eraill, Croesfan Dartford yn Llundain, a rhan o’r M6 i’r gogledd o Birmingham.

Rhaid talu costau hefyd wrth yrru yng nghanol Llundain, a elwir yn Dâl Atal Tagfeydd Llundain a chost am y Parth allyriadau isel iawn (ULEZ), ac yn Durham, a elwir yn Gost Defnydd Ffordd Durham