Wedi’i ddiweddaru diwethaf:
06 Ebrill 2025
Mae’r newid mawr i Daliad Tanwydd Gaeaf yn golygu bod yn rhaid i chi hefyd dderbyn Credyd Pensiwn er mwyn cael y lwfans sy’n werth hyd at £300. Os nad ydych yn cael Credyd Pensiwn ar hyn o bryd, ond yn meddwl y gallech fod yn gymwys, mae’n hanfodol gwirio nawr a gwneud cais, fel arall gallech golli allan.
Mae’r Taliad Tanwydd Gaeaf yn gyfandaliad di-dreth blynyddol sy’n werth hyd at £300 i helpu pobl dros oedran Pensiwn y Wladwriaeth gyda chostau gwresogi. Tan eleni, roedd gan bawb dros oedran Pensiwn y Wladwriaeth hawl i’r taliad waeth beth oedd eu hamgylchiadau, ond nawr mae angen i chi hawlio Credyd Pensiwn neu fudd-dal cymwys arall i gael y taliad ar gyfer y gaeaf nesaf.
Ddim yn siŵr os gallwch gael Credyd Pensiwn? Os ydych ar incwm isel, gwiriwch gyfrifiannell Credyd Pensiwn i weld a allech gael hwb hanfodol i’ch incwm, gall fod yn werth £3,900 y flwyddyn ar gyfartaledd. Gallech fod yn gymwys o hyd, hyd yn oed os oes gennych gynilion. Os ydych yn byw ar incwm isel, defnyddiwch ein Cyfrifiannell budd-daliadau i ddarganfod yn gyflym beth y gallech fod â hawl iddo.
Mae'r llywodraeth yn edrych ar bwy all gael y Taliad Tanwydd Gaeaf gyda'r nod o wneud mwy o bensiynwyr yn gymwys. Byddwn yn diweddaru'r canllaw hwn os cyhoeddir unrhyw newidiadau. Ar hyn o bryd, mae angen i chi hawlio Credyd Pensiwn i gael y taliad gwerth hyd at £300.
Mae’r lwfans bellach yn gysylltiedig â rhai budd-daliadau prawf modd gan gynnwys Credyd Pensiwn. Mae Credyd Pensiwn yn helpu’r rhai dros oedran Pensiwn y Wladwriaeth sy’n byw ar incwm isel. Mae’n gweithio drwy ychwanegu incwm at isafswm a gall fod yn werth mwy na £3,900 y flwyddyn.
Er mwyn parhau i gael eich Taliad Tanwydd Gaeaf mae’n rhaid i chi fod yn gymwys i gael Credyd Pensiwn neu un o’r budd-daliadau canlynol eraill yn ystod yr ‘wythnos gymhwyso’.
Credyd Cynhwysol
Lwfans Cyflogaeth a Chymorth yn seiliedig ar incwm (ESA)
Lwfans Ceisio Gwaith yn seiliedig ar incwm (JSA)
Bydd yr wythnos gymhwyso yn dechrau ar y trydydd wythnos ym mis Medi bob blwyddyn – 15 – 21 Medi fydd hi ar gyfer 2025.
Os ydych chi’n byw ar incwm isel neu wedi cael sioc incwm, defnyddiwch ein cyfrifiannell Budd-daliadau i ddarganfod yn gyflym beth y gallech fod â hawl iddo.
Bydd gennych hawl i daliad o naill ai £200 neu £300 yn dibynnu ar eich oedran chi neu eich partner os oes gennych un
Darganfyddwch fanylion llawn am y Taliad Tanwydd GaeafYn agor mewn ffenestr newydd ar GOV.UK.
Os ydych yn byw yn yr Alban byddwch yn cael taliad cyfatebol y gaeaf hwn os ydych yn gymwys. Bydd y taliad yn awtomatig, sy'n golygu nad oes rhaid i chi wneud cais. Bydd hwn yn cael ei ddisodli yn y pen draw gan y Taliad Gwresogi Gaeaf Oedran Pensiwn.
Yng Ngogledd Iwerddon, mae’r Taliad Tanwydd Gaeaf, sy’n werth rhwng £250 a £600 yn parhau i fod ar gael i bawb dros oedran Pensiwn y Wladwriaeth. Does dim cyhoeddiadau wedi bod yn dweud y bydd hyn yn newid. Am fanylion llawn gweler dudalen Taliad Tanwydd GaeafYn agor mewn ffenestr newydd ar nidirect.
Os ydych chi’n 65 oed, rydych o dan oedran Pensiwn y Wladwriaeth ac ni fydd gennych hawl i’r taliad os ydych yn byw ar eich pen eich hun. Fodd bynnag, os ydych yn byw gyda’ch partner sydd dros oedran Pensiwn y Wladwriaeth ac mae gennych gais ar y cyd am Gredyd Cynhwysol fel cwpl o oedran gweithio, bydd eich partner yn gymwys ac yn cael Taliad Tanwydd Gaeaf ar gyfer eich aelwyd.
Nid oes rhaid i chi wneud unrhyw beth. Gan fod gennych hawl i Gredyd Pensiwn eisoes, rydych yn gymwys i gael y taliad. Byddwch yn cael llythyr ym mis Hydref neu fis Tachwedd yn dweud wrthych faint fyddwch chi’n ei gael. Yna byddwch yn cael y taliad naill ai ym mis Tachwedd neu fis Rhagfyr i’r un cyfrif banc â’ch budd-daliadau eraill.
Na. Mae’r Taliad Tanwydd Gaeaf yn ddi-dreth ac ni fydd yn effeithio ar eich budd-daliadau eraill.
Rhaid i chi fod yn gymwys i gael Credyd Pensiwn (neu un o’r budd-daliadau cymwys eraill) yn ystod yr ‘wythnos gymhwyso’.
Bydd yr wythnos gymhwyso yn dechrau ar y trydydd dydd Llun ym mis Medi bob blwyddyn 15 – 21 Medi fydd hi yn 2025.
Cadwch mewn cof ei bod hi’n cymryd rhwng chwech ac wyth wythnos i brosesu ceisiadau Credyd Pensiwn newydd oherwydd y nifer uchel o geisiadau, ond gellir ei ôl-dalu am dri mis.
Fel arfer byddwch yn gymwys i gael Credyd Pensiwn os oes gennych incwm wythnosol isel. Rydych yn debygol o fod yn gymwys os ydych yn byw ar eich pen eich hun a bod eich incwm wythnosol yn is na £227.10 – neu os ydych yn gwpl a bod eich incwm cyfunol o dan £346.60.
Efallai y gallwch gael Credyd Pensiwn os yw eich incwm yn uwch na hyn os ydych:
Os oes gennych fwy na £10,000 mewn cynilion, mae’r llywodraeth yn cymryd eich bod yn “ennill” incwm o’ch cynilion ac yn lleihau swm y Credyd Pensiwn a gewch.
Mae Credyd Pensiwn ar gael i bobl sy’n hawlio eu Pensiwn y Wladwriaeth, a phobl nad ydynt yn gymwys i gael Pensiwn y Wladwriaeth. Y ffordd hawsaf o ddarganfod beth allwch chi ei gael yw defnyddio'r gyfrifiannell Credyd PensiwnYn agor mewn ffenestr newydd
Hyd yn oed os oes gennych gynilion sylweddol, gallech barhau i fod yn gymwys i gael Credyd Pensiwn os yw’ch incwm arall yn ddigon isel. Os oes gennych £10,000 neu lai, ni fydd hyn yn effeithio ar eich cymhwysedd o gwbl. Os oes gennych fwy na £10,000 mewn cynilion, gallech fod yn gymwys o hyd, felly mae’n werth gwirio bob amser.
Am bob £500 (neu ran o £500) rydych wedi’i gynilo neu fuddsoddi, mae’r llywodraeth yn trin hyn fel incwm o £1. Felly os oes gennych £15,000 mewn cynilion a buddsoddiadau, nid yw £10,000 yn cyfrif, ond mae’r £5,000 sy’n weddill yn cael ei drin fel £10 yr wythnos mewn incwm wythnosol. Os oes gennych bartner, ychwanegir eu cynilion at eich un chi.
Os bydd eich cynilion yn gostwng, rhowch wybod i’r Gwasanaeth PensiwnYn agor mewn ffenestr newydd a gofynnwch iddynt a ydych bellach yn gymwys. I gael rhagor o wybodaeth, darllenwch ein herthygl ar sut y gall cynilion effeithio ar eich budd-daliadau i ddarganfod beth sy’n cyfrif fel cynilion, a beth sydd ddim.
Hyd yn oed os ydych yn berchen ar eich cartref, gallwch barhau i wneud cais am Gredyd Pensiwn. Mae bron i hanner y bobl sydd eisoes yn cael Credyd Pensiwn yn berchnogion tai. Mae bob amser yn werth darganfod beth mae gennych hawl iddo.
Hyd yn oed os ydych ond yn gymwys i gael swm bach o Gredyd Pensiwn, mae’r ffaith eich bod yn ei gael yn datgloi ystod o gymorth ychwanegol a all wneud i’ch arian fynd ymhellach.
Mae Credyd Pensiwn yn ‘borth’ i amrywiaeth o gymorth arall gan gynnwys:
Mae’n gyflym ac am ddim i wirio a allech gael Credyd Pensiwn. Os ydych wedi cyrraedd oedran Pensiwn y Wladwriaeth ac mae eich incwm wythnosol yn is na £227.10 os ydych yn byw ar eich pen eich hun, neu £346.60 os ydych yn byw gyda phartner – hyd yn oed os ydych yn berchen ar eich cartref neu os oes gennych gynilion.
Y ffordd gyflymaf yw ffonio’r llinell gais Credyd Pensiwn ar 0800 99 1234 neu ddefnyddio’r cyfrifiannell Credyd PensiwnYn agor mewn ffenestr newydd
Mae Credyd Pensiwn yn helpu i gefnogi pobl dros oedran Pensiwn y Wladwriaeth i fyw gydag isafswm o lefel incwm. Ond nid yw un o bob tri o bobl sydd â hawl i’r hwb incwm hanfodol hwn yn ei hawlio. Mae amcangyfrifon diweddar yn awgrymu y gallai fod dros 800,000 o aelwydydd cymwys yn colli allan. Byddant hefyd yn colli allan ar y Taliad Tanwydd Gaeaf os na fyddant yn gwneud cais yn fuan.
Os ydych yn adnabod rhywun sy’n byw ar incwm isel a allai fod â hawl i Gredyd Pensiwn mae’n hanfodol eu hannog i wirio a allent gael help. Darganfyddwch fwy am Gredyd Pensiwn.
Os ydych yn hawlio Credyd Pensiwn neu fudd-dal cymwys arall, fel Credyd Cynhwysol, dim ond un math o gymorth y gallech ei gael os ydych yn cael trafferth gyda chostau gwresogi yw Taliad Tanwydd Gaeaf. Gallwch hefyd gael:
Os ydych ar incwm isel, gallwch hefyd wneud cais i’r Gronfa Cymorth i Aelwydydd os ydych yn gymwys. Gwiriwch wefan eich cyngor lleolYn agor mewn ffenestr newydd ar gyfer y rheolau ar bwy all wneud cais. Gweler hefyd Byw ar incwm gwasgedig am sut i arbed arian ar filiau’r cartref.
