Help os ydych yn cael trafferth talu eich biliau ffôn symudol, teledu neu fand eang

Os nad oes gennych linell dir neu fand eang, mae eich ffôn symudol yn gysylltiad hanfodol â gwasanaethau eraill felly mae'n bwysig ei gadw os gallwch.

Efallai mai dyma'ch profiad cyntaf o gael trafferth i dalu bil.. Cofiwch ei bod yn bwysig cadw i fyny â'ch taliadau. Nid yw hyn mond fel na fyddwch yn colli'ch cysylltiad, ond hefyd oherwydd gallai effeithio ar eich sgôr credyd os na wnewch hynny.

Os oes angen help arnoch, cysylltwch â'ch darparwr cyn gynted â phosibl i esbonio'r sefyllfa.

Mae gan lawer o ddarparwyr gefnogaeth ar waith i'ch helpu, gan gynnwys:

• newid dyddiad eich bil
• sefydlu cynllun ad-dalu fforddiadwy
• symud i dariff gwahanol
• gostwng eich cap gwariant.

Y peth gorau yw defnyddio'ch ffôn dim ond pan fydd angen. 

Os ydych chi ar gontract ffôn symudol, efallai y gallwch chi symud i dariff talu rhatach wrth fynd neu fargen sim yn unig. Ond darganfyddwch yn gyntaf a oes rhaid i chi dalu ffi i ddod â'ch contract i ben yn gynnar.

Os yw'ch incwm wedi gostwng yn ystod tymor y contract, efallai na fyddwch yn gallu fforddio'ch bil ffôn symudol.

Os oes angen help arnoch, cysylltwch â'ch darparwr cyn gynted â phosibl ac esboniwch eich sefyllfa. Efallai y byddant yn gallu'ch helpu, fel:

• newid dyddiad eich bil
• sefydlu cynllun ad-dalu fforddiadwy
• symud i dariff gwahanol
• cael gwared ar gapiau data ar wasanaethau band eang sefydlog.

Efallai y byddwch hefyd yn gallu prynu pecynnau sy'n cynnwys hwb data am brisiau isel, neu alwadau ffôn llinell daear am ddim.

Os ydych yn agored i niwed, ac ni all eich darparwr wneud atgyweiriadau blaenoriaethol yn eich cartref, dylent sicrhau bod gennych ddewisiadau amgen i fand eang neu linell dir. 

Mae rhai darparwyr yn cynnig cynlluniau cost isel i'ch helpu i wneud galwadau ffôn symudol a mynd ar-lein os ydych yn cael budd-daliadau penodol, gan gynnwys:

• Credyd Cynhwysol
• Lwfans Ceisio Gwaith,
• Credyd Pensiwn
• Lwfans Cyflogaeth a Chymorth

I gael mwy o wybodaeth, ewch i wefan OfcomYn agor mewn ffenestr newydd

Roedd y tabl uchod yn gywir ym mis Hydref 2021. Ffynhonnell: Ofc

Os ydych yn chwilio am waith, gallwch wneud cais trwy'ch anogwr gwaith am daleb i gyfnewid am fand eang am ddim gan y darparwr cysylltedd Talk Talk. 

Mae'r daleb hon yn eich caniatáu i gael chwe mis o wasanaeth band eang Talk Talk Ffibr 35 heb unrhyw wiriad contract na chredyd. Mae terfynau defnyddio data heb eu capio (o fewn y terfynau defnydd data teg). 

Ar ôl chwe mis, gallwch ddewis fynd ar gontract gyda Talk Talk neu ganslo'r gwasanaeth. Beth bynnag y dewiswch ei wneud, ni fydd unrhyw gostau canslo na ffioedd cofrestru. 

Yn ôl Ofcom, mae dwy filiwn o gartrefi yn y DU yn cael trafferth i fforddio’u bil rhyngrwyd.

Mae tlodi data yn meddwl na allwch wneud pethau fel gwneud cais am swydd ar-lein, bancio ar-lein neu gael mynediad at wasanaethau hanfodol, gan nad oes gennych unrhyw gysylltiad rhyngrwyd.

Os na allwch fforddio cysylltiad rhyngrwyd i gwrdd ag anghenion hanfodol, efallai rydych yn profi tlodi data.

Mae UK National Databank yn dod â rhyngrwyd ffôn symudol am ddim i bobl na allant ei fforddio ac sydd yn aml hefyd yn profi sawl anghydraddoldeb.

I fod yn gymwys mae’n rhaid i chi:

• fod yn 18+ oed
• a bod o gartref incwm isel
• a bod un neu sawl o’r datganiadau canlynol yn wir:
• rydych heb fynediad neu fynediad annigonol i'r rhyngrwyd gartref
• a/neu dim mynediad neu fynediad annigonol i'r rhyngrwyd pan i ffwrdd o'r cartref
• a/neu ni allwch fforddio eich contract misol presennol neu ychwanegiad

Gallwch gael mynediad i ddata am hyd at 12 mis.

Darganfyddwch fwy ar National DatabankYn agor mewn ffenestr newydd

Wrth siopa o gwmpas am dariffau cost isel, mae'n werth cymharu cyflymder y rhyngrwyd yn erbyn cost y tariff. Efallai y bydd tariffau rhatach yn golygu ei bod yn cymryd mwy o amser i lawrlwytho dogfennau, fideos, gemau neu ffilmiau. 

Gallwch hefyd gymharu'r costau hyn â'r bargeinion rhatach sim-yn-unig neu dalu wrth fynd a fydd yn rhoi mwy o ddata a chysylltiadau cyflymach i chi. Neu gallwch ddefnyddio llecyn eich ffôn symudol i drosglwyddo data i gyfrifiadur neu lechen os oes angen i chi gyrchu'r rhyngrwyd. 

Os na allwch fforddio gwasanaethau fel Netflix neu Spotify, efallai y gallwch eu canslo heb orfod talu cosb. Gwiriwch delerau eich contract.

Gallai eich amgylchiadau olygu y gallwch gael pris is gan eich darparwr teledu.

Os ydych wedi methu taliad ar eich tanysgrifiad band eang, ffôn neu deledu, cysylltwch â'ch benthyciwr i egluro'ch sefyllfa

A ydych eisoes wedi colli mwy nag un taliad, neu'n poeni gallech colli taliad ac yn methu â dod i gytundeb â'ch darparwr? Yna y peth gorau yw cael cyngor cyn gynted ag y gallwch, yn enwedig os oes gennych ddyledion eraill hefyd.

Gallai profi problemau iechyd meddwl ei wneud yn anodd i chi rheoli eich arian. 

Cofiwch, os ydych yn cael trafferthion ariannol ac â'ch lles meddyliol, mae'n werth cysylltu â'ch banc, cymdeithas adeiladu, benthyciwr neu bwy bynnag mae gennych arian yn ddyledus iddynt, i drafod eich opsiynau.

Fodd bynnag, yn aml mae'n haws dweud na chodi'r ffôn a siarad am eich problemau pan rydych yn cael trafferth gyda'ch iechyd meddwl.

Mae gan y rhan fwyaf o leoedd y mae gennych arian yn ddyledus iddynt bolisïau ynglŷn â'ch cefnogi os ydych yn fregus. Ond ni allant eich helpu oni bai eich bod yn gofyn.

I gael rhai awgrymiadau cyffredinol ar sut y gallwch reoli eich iechyd meddwl, edrychwch ar ganllaw Rethink. Mae'n cynnwys popeth o osod cyllideb i gael help os ydych chi, neu rywun rydych chi'n poeni amdano, yn cael argyfwng iechyd meddwl.