Siarad â’ch credydwr am filiau i osgoi mynd i ddyled

Buddion siarad â’ch credydwr

Er nad yw gofyn am help yn rhywbeth rydych eisiau ei gwneud, mae buddion i/o estyn allan i’ch credydwr yn gyntaf am eich trafferthion arian.

Mae’n rhwystro pethau rhag mynd yn wael

Os ydych yn gwybod nid oes modd i chi dalu eich taliad nesaf, mae rhoi digon o rybudd i’ch credydwr yn golygu efallai y gallent roi cynllun mewn lle i’ch helpu cyn i bethau mynd yn waeth.

Gall parhau i anwybyddu’r broblem golygu y byddech yn wynebu llog a ffi taliad hwyr ac yn y pendraw colli’r gwasanaeth, y nwyddau neu roi eich cartref o dan risg. beryglu eich cartref.

Mae’n rhaid i’ch credydwr eich helpu

Bydd dweud wrth eich credydwr eich bod yn cael trafferth yn eu helpu nhw i'ch helpu chi. Dylent gynnig amrywiaeth o opsiynau cymorth a fydd yn gweithio i'r ddau ohonoch felly mae'n werth darganfod beth y gallant ei wneud.

Os oes gennych anabledd corfforol, yn profi problemau iechyd meddwl neu'n agored i niwed mewn ffordd arall, megis os ydych wedi dioddef profedigaeth, efallai y bydd ganddynt hefyd dimau arbenigol i'ch cynrychioli a'ch cefnogi ar hyd y ffordd.

Osgoi benthyg arian

Gall credydwyr gweithio gyda chi i gytuno ar gynlluniau talu mwy hyblyg. Trwy wneud hwn, gallwch hefyd osgoi benthyg mwy o arian er mwyn eu talu nhw, sydd yn y diwedd yn costio llai i chi.

Byddwch yn ymwybodol, bydd rhai datrysiadau sy’n cael eu cynnig yn effeithio ar eich sgôr credyd, felly mae’n werth darganfod mwy cyn cytuno i gynllun.

Cael mynediad at grantiau elusennol

Gall credydwyr eich rhoi mewn cysylltiad ag elusennau neu gymorth gwahanol sydd yn cynnig grantiau nad oes rhaid i chi dalu yn ôl i’ch helpu talu eich biliau.

Er enghraifft, mae Ymddiriedolaeth Cymorth Egni Nwy Prydain yn cynnig grantiau i bobl sy’n cael trafferth â chostau tanwydd, ac nid oes rhaid i chi fod yn gwsmer Nwy Prydain er mwyn gwneud cais.

Osgowch fenthyg arian

Gall credydwyr weithio gyda chi i gytuno ar drefniadau talu mwy hyblyg. Drwy wneud hynny, gallwch osgoi benthyca mwy o arian i'w talu, a fydd yn y pen draw yn costio llai i chi.

Byddwch yn ymwybodol, bydd rhai atebion a gynigir yn effeithio ar eich sgôr credyd, felly mae'n werth cael gwybod cyn cytuno i gynllun.

Arbed arian gyda thariff gwell

Gall rhai credydwyr cynnig tariff gwell i chi neu fargenion sy’n fwy addas i’ch anghenion a’ch cyllid.

Er enghraifft, os ydych ar incwm isel neu yn agored i niwed, mae cwmnïoedd dŵr, ynni a rhyngrwyd yn cynnig tariff sy’n gwarantu eich bod ar y fargen ratach neu sy’n rhoi cap ar eich biliau.

Nol i’r brig

Chwalu mythau – siarad â’ch credydwyr

Yn meddwl nad yw’n werth ei gwneud? Rydym yn trefnu’r gwir o’r ffug am siarad â’ch credydwr os ydych yn cael trafferthion arian.

Myth: Maent ond eisiau arian

Ffaith: Tra bod ganddynt ddiddordeb yn yr arian sy’n ddyledus iddynt, mae’n fwy costus iddynt gymryd camau drastig, fel rhwystro’ch gwasanaeth neu eich cymryd i’r llys. Maent am ddatrys pethau’n gynnar gan ei fod yn well i’r ddau ohonoch.

Mae nifer o gwmnïoedd gyda chefnogaeth ychwanegol mewn lle ar gyfer sefyllfaoedd fel hyn, a dylent weithio gyda chi i ddod i gytundeb teg a fforddiadwy sy’n gweithio iddyn nhw ac eich sefyllfa ariannol.

Myth: Byddant yn torri fy ngwasanaeth i ffwrdd

Ffaith: Dyna'r dewis olaf nad oes neb ei eisiau.

Yn y pen draw, mae gan eich darparwr y pŵer i derfynu'r gwasanaeth y mae'n ei ddarparu i chi, ond dim ond os byddwch yn gwrthod ymgysylltu â nhw ac yn methu â gwneud unrhyw daliadau tuag at eich bil yn barhaus.

Mae eithriadau i'r hawl i derfynu gwasanaethau. Er enghraifft, ni chaniateir i gwmnïau dŵr ddatgysylltu na chyfyngu ar eich cyflenwad dŵr hyd yn oed os ydych yn ddyledus iddynt.

Myth: Byddan nhw'n gwrthod siarad â mi

Ffaith: Gyda chostau byw cynyddol ac adladd y pandemig, mae credydwyr yn disgwyl i nifer o bobl cael trafferth ar hyn o bryd. Maent wastad eisiau siarad â chi ac am glywed beth sydd gennych i ddweud.

I sicrhau eu bod yn nhw’n gwrando, byddwch yn onest am eich sefyllfa, peidiwch ag addo pethau i’ch credydwyr na allwch eu cadw.

Sicrhewch eich bod yn darparu tystiolaeth, fel llythyrau meddyg os oes angen. Bydd hwn yn ei helpu i gael y cymorth cywir mewn lle.

Myth: Does dim arian gen i i’w gynnig

Ffaith: Ni all ddarparwyr rydych yn ddyledus iddynt nhw eich gorfodi i dalu rhywbeth nad oes gennych, felly siaradwch â nhw cyn i chi fethu taliad. Mae dweud wrthynt am eich sefyllfa a dangos nad oes gennych yr arian yn golygu bod yn rhaid iddynt weithio o gwmpas hwn.

Efallai y byddent yn eich galluogi i gymryd seibiant o wneud taliadau am dymor byr neu gynnig taliadau llai dros gyfnod ad-dalu hirach. Os ydych wir yn cael trafferth, gallwch wneud cais i ddileu rhan neu’r cyfan o’r ddyled mewn achosion difrifol.

Nol i’r brig

Gwybod lle i ddechrau

Cyn cysylltu â’ch darparwr, y cam cyntaf yw cymryd amser i gael popeth mewn trefn. Dyma beth sydd eu hangen arnoch i ddechrau.

Creu rhestr o’ch holl filiau a thaliadau

Dewch o hyd i’ch gwaith papur i gyd sy’n ymwneud â’ch biliau.

Yna, ewch drwyddo gan nodi pob rhif cyfrif a balans, dyddiadau y mae’r taliadau’n ddyledus, taliadau misol, faint sy’n ddyledus a manylion cyswllt y credydwyr.

Ystyriwch ddefnyddio taenlen i drefnu’ch rhestr o filiau fel eich bod yn gallu olrhain taliadau yn hawdd, a gweld faint sy’n ddyledus gennych ac yn talu pob mis.

Delio gyda’ch biliau yn y drefn gywir

Mae rhai biliau yn bwysicach nag eraill, felly mae’n bwysig i fynd i’r afael â nhw yn y drefn gywir.

Unwaith mae gennych restr mewn lle, gallwch ddefnyddio ein Blaenoriaethwr Biliau i’ch helpu i drefnu pa filiau i ddelio â’n gyntaf a darganfod sut i osgoi methu taliadau.

Mae hefyd awgrymiadau defnyddiol a chymorth ychwanegol gall fod ar gael sy’n golygu y gallwch ddelio â phethau ar eich pen eich hun.

Trefnwch eich taliadau gyda’n Blaenoriaethwr Biliau

Cysylltu â mwy nag un credydwr

Os ydych yn ddyledus i sawl cwmni nad ydych yn gallu ei ad-dalu, canolbwyntiwch ar daliadau blaenoriaeth yn gyntaf fel eich rhent neu forgais, Treth Gyngor neu Ardrethi, a biliau nwy a thrydan. Mae gan y rhain y canlyniadau mwyaf difrifol os na fyddwch yn talu unrhyw beth tuag atynt.

Os ydych wedi methu taliadau, gall siarad â nifer o gredydwyr deimlo'n llethol, felly gallwch siarad â chynghorydd dyled yn gyntaf. Gallant hyd yn oed siarad â'ch credydwyr ar eich rhan. Maen nhw'n cynnig cyngor ar-lein, dros y ffôn neu'n agos at ble rydych chi'n byw.

Siaradwch â rhywun heddiw gan ddefnyddio ein Teclyn lleoli cyngor ar ddyledion

Os ydych chi'n cael trafferth gyda'ch morgais, edrychwch ar ein canllaw Help gyda thaliadau morgais

Nol i’r brig

Paratoi i siarad â’ch credydwr

Gall ddod yn drefnus, meddwl am beth gall eich credydwr gofyn a sut y byddwch yn cysylltu â nhw gwneud sgyrsiau yn haws.

Sicrhewch fod eich gwaith papur yn barod

Gall cael y wybodaeth i gyd a’r manylion cyfrif bydd angen arnoch wrth law, gan gynnwys rhifau cyfeirnod eich helpu i chi ffocysu ar y ffeithiau a’ch gwneud i chi deimlo mewn rheolaeth o’r sgwrs gan fydd modd i chi ateb cwestiynau’n haws.

Os ydych yn gofyn am gymorth oherwydd bod rhywbeth wedi digwydd, er enghraifft, rydych wedi colli’ch swydd neu rydych yn cael trafferth o ganlyniad i salwch neu ddamwain, profedigaeth neu chwalu perthynas mae’n ddefnyddiol cael llythyr meddyg neu gyfriflen banc sy’n dangos gostyngiad yn eich incwm yn agos.

Os oes dogfennau ar goll gennych, gallwch ofyn i’ch credydwyr am gopïau neu fynediad iddynt drwy eich cyfrif ar-lein os oes un gennych.

Os bydd dod o hyd i ddogfennau yn cymryd gormod o amser neu nad ydych yn teimlo fel chwilio amdanynt, peidiwch â gadael i’r dogfennau coll eich rhwystro rhag siarad â’ch credydwr.

Mae hwn yn arbennig o wir os ydych yn agored i niwed neu’n dioddef o iechyd meddwl isel ac mae hwn yn teimlo’n ormod i chi. Byddai’n well gan eich credydwr eich bod yn cysylltu â nhw, a gallech weithio allan pa ddogfennau sydd angen arnoch gyda’ch gilydd.

Edrychwch ar eich cyllideb

Cyn i chi gysylltu â’ch credydwr, mae’n syniad da i gymryd yr amser i edrych ar eich incwm ac alldaliadau hanfodol i weithio allan faint y gallwch fforddio talu.

Os ydych am greu cyllideb fanwl, gallwch ddefnyddio ein Cynlluniwr Cyllideb i’ch helpu. Mae ond yn cymryd 20 munud i’w lenwi.

Nid oes rhaid i chi ddefnyddio taenlennu ffansi neu gynllunydd. Mae rhai pobl yn defnyddio llyfrau ymarfer neu gallwch ddefnyddio ap ar-lein.

Fodd bynnag, peidiwch â phoeni os na fedrwch wneud hwn, gall eich credydwr mynd trwy bopeth gyda chi a’i gweithio allan.

Cofiwch, mae sefyllfa pawb yn wahanol, a dylai credydwyr eich cefnogi a’ch trin yn deg.

Gall ein Cynlluniwr Cyllideb eich helpu i ddeall faint gallwch gynnig i’ch credydwr

Dewis sut byddwch yn cysylltu â’ch credydwr

Gobeithio y byddwch yn teimlo llai o straen os ydych yn dewis ffordd i gysylltu â’ch credydwr sy’n teimlo yn gyfforddus i chi. Dyma rhai pethau i feddwl am:

Dros y ffôn

Dewiswch ddiwrnod ac amser sy’n addas i chi, fel na fydd yn rhaid i chi adael y sgwrs i ddelio ag ymrwymiadau eraill.

Cofiwch, yn aml mae gan ganolfannau cyswllt amseroedd prysur, felly, os gallwch, yr amser orau i ffonio yw canol y bore neu ganol y prynhawn neu’n gynnar yn y noswaith yn lle amser cinio neu peth cyntaf yn y bore.

Gwesgwrs neu WhatsApp

Ystyriwch ddefnyddio gwesgwrs neu WhatsApp os nad ydych yn barod. Mae’n rhoi rheolaeth y sgwrs i chi a gallwch ymateb yn amser eich hun.

E-bost neu lythyr

Os byddai’n well gennych i ddanfon e-bost neu lythyr, mae gan Gyngor ar BopethYn agor mewn ffenestr newydd a StepChangeYn agor mewn ffenestr newydd llythyrau sampl y gallwch eu defnyddio, er enghraifft, os na allwch fforddio cadw lan â thaliadau neu i ofyn am gytundeb talu dros-dro.

Cofiwch, gall gymryd mwy o amser i dderbyn ymateb, felly’n well eu defnyddio os nad yw’ch ymholiad ar frys.

Edrychwch ar gefn eich bil neu ddatganiad am ffyrdd o gysylltu â’ch credydwr

Gofynnwch i ffrind neu aelod o'r teulu eich helpu

Gall ddelio â phroblemau arian achosi straen. Mae’n helpu i gael rhywun rydych yn ymddiried ynddynt i helpu a chefnogi chi trwy’r broses, p’un ai ydynt yn eich helpu i ysgrifennu a phrawf ddarllen eich gohebiaeth neu eich helpu i ymarfer beth rydych am ddweud.

Gall aelod o’r teulu neu ffrind rydych yn ymddiried ynddynt hyd yn oed gweithredu fel eich cynrychiolydd os bydd cyfathrebu â’ch darparwr yn anodd i chi.

Esbonio eich sefyllfa

Mae’n bwysig i fod yn onest am eich sefyllfa a byddwch mor agored ag ydych yn gyfforddus gydag am unrhyw beth y gall helpu esbonio pam rydych yn cael trafferth. Dilynwch y strwythur isod i helpu eich sgwrs:

Dywedwch wrthynt eich bod methu fforddio’ch taliad arferol
Esboniwch pam na allwch dalu, er enghraifft, os ydych wedi colli’ch swydd, neu fod gennych salwch neu anabledd, neu eich bod wedi profi rhywbeth sydd wedi cael effaith negyddol ar eich bywyd fel profedigaeth.
Gofynnwch iddynt a yw’n bosib newid telerau eich ad-daliad.
Yn dibynnu ar y credydwr a beth allant gynnig, darganfyddwch os neu sut y gallai effeithio ar eich sgôr credyd.
Os ydych yn dod i gytundeb newydd, sicrhewch eich bod yn ei gael yn ysgrifenedig.

Nol i’r brig

Gwneud y cyswllt cyntaf

Gall cysylltu â’ch credydwr fod yn frawychus, yn arbennig enwedig os nad ydych wedi’i wneud o’r blaen. Dyma restr wirio i’ch helpu trwy’r sgyrsiau hyn.

Gweithredwch nawr

Yn aml y peth anoddach yw ffeindio’r amser a chodi’r dewrder i gysylltu â’ch credydwr i ofyn am help.

Ond gall gweithredu nawr arbed arian a straen yn yr hirdymor.

Bydd cael sgwrs yn rhoi’r cyfle i chi i ddod i ddatrysiad gyda’ch credydwr cyn i chi fethu taliad a gallech gael eich synnu gan faint yn well mae’n teimlo i gymryd rheolaeth yn ôl dros y sefyllfa.

Byddwch yn barod gyda phapur a phen

Ysgrifennwch y prif bwyntiau rydych am eu trafod i lawr a beth rydych yn cael trafferth gyda.

Cymerwch nodiadau yn ystod eich sgwrs, gan gynnwys dyddiad ac amser y galwad, enw’r person rydych yn siarad â ac yr opsiynau maent yn cynnig.

Os ydych yn anfon e-bost, copïwch eich hun i mewn i’r neges fel y gallwch ddod o hyd iddo yn y dyfodol.

Cadwch eich nodiadau mewn lle diogel – maen nhw’n gofnod o bopeth gwnaethoch drafod.

Ymarferwch beth rydych am ei dweud

Ystyriwch ofyn i aelod o’ch teulu neu ffrind rydych yn ymddiried ynddynt os bydden nhw’n gwneud galwad ymarferol â chi.

Os ydych yn bwriadu e-bostio’ch credydwr, gofynnwch i rywun gwirio’ch neges cyn ei anfon.

Gallwch hefyd ofyn i ffrind neu aelod o’r teulu i siarad ar eich rhan os ydych yn poeni am y sgwrs. Bydd rhaid i chi roi caniatâd.

Gofynnwch am gymorth ychwanegol os oes ei angen arnoch

Rhowch wybod i’ch credydwr eich bod yn cael trafferth gyda’ch iechyd meddwl, anabledd meddyliol neu gorfforol neu eich bod yn agored i niwed, er enghraifft, rydych yn rhiant sengl, gofalwr neu berson hŷn. Mae gan y rhan fwyaf o gredydwyr timau a all gynnig cymorth ychwanegol.

Os ydych yn meddwl byddwch yn cael trafferth cyfathrebu â’ch darparwr, gallwch ofyn i rywun rydych yn ymddiried ynddynt i weithredu fel eich cynrychiolydd. Gallwch hefyd ofyn i’ch credydwr i weld os oes ganddynt wasanaeth cynrychiolydd neu benodai neu wasanaethau dehongli ar gyfer pobl gydag anghenion ychwanegol.

Rhowch wybod iddynt hefyd os bydd hi’n cymryd amser i chi ymateb, er enghraifft os ydych yn dibynnu ar rywun arall i’ch helpu i gyfathrebu.

Sicrhewch eich bod yn cael popeth yn ysgrifenedig

Pan mae’n dod i greu cytundeb newydd, gofynnwch i’ch credydwr e-bostio neu ddanfon llythyr yn cadarnhau'r newidiadau. Mae hwn fel bod gennych dystiolaeth o’ch cytundeb newydd.

Efallai bydd hefyd angen i chi ddilyn y sgwrs gyda rhagor o wybodaeth, gan gynnwys unrhyw ddogfen y bydd angen i chi ddarparu, er enghraifft, tystiolaeth o ddiweithdra.

Nol i’r brig

Opsiynau gall eich credydwr eu cynnig i chi

Dyma rhai o’r datrysiadau gall eich credydwr cynnig i chi. Cyn cytuno i gynllun, sicrhewch eich bod yn deall yr effaith y gall ei gael ar eich sgôr credyd.

Cynllun ad-daliad hyblyg

Ar ôl i’ch credydwr mynd trwy eich incwm ac alldaliadau â chi i weld faint y gallwch fforddio i’w ad-dalu, efallai y byddent yn eich caniatau i:

gwasgaru taliadau dros gyfnod hirach, yn golygu byddech yn gwneud taliadau llai bob mis
talu swm llai dros-dro os ydych yn gwybod bydd eich cyllid yn gwella yn y tymor byr
talu llai na’r swm misol contractiol am gyfnod penodol
ail-gyllidebu benthyciad ar raddfa llog llai
hepgor cyfraddau llog am gyfnod cyfyngedig
lleihau neu ostwng ffi taliad hwyr

Gwyliau talu

Efallai bydd eich credydwr yn eich caniatau galluogi i gymryd gwyliau talu (a elwir hefyd yn gohirio). Mae hwn fel arfer yn golygu y gallwch naill ai:

cymryd seibiant o wneud taliadau nes bod eich sefyllfa yn ôl dan reolaeth, neu
gohirio taliadau am amser byr os ydych yn disgwyl i’ch incwm cynyddu cyn bo hir

Byddwch yn ymwybodol gall llog parhau i gronni yn y cefndir gyda chynhyrchion ariannol, felly mae’n bosibl y byddwch yn talu mwy yn y tymor hir. Gofynnwch faint mae hwn yn debygol o fod pob tro.

Mae gwyliau talu yn debygol o ychwanegu at eich ffeil credyd a gall cael effaith ar eich sgôr credyd. Fodd bynnag, caiff hwn effaith llai na cholli taliadau, cyn belled rydych yn cadw at y cytundeb newydd.

Newid tariff neu gynnyrch

Yn ogystal â chynnig cytundebau taliad mwy hyblyg, dylai eich credydwr hefyd gwirio os ydych ar y tariff gorau ar gyfer eich anghenion.

Efallai y byddent yn eich helpu i symud i dariff rhatach sydd yn fwy addas i’ch cyllideb a’ch defnydd.

Mae’r tariffau orau (a elwir hefyd yn dariffau cymdeithasol) yn aml ar gyfer pobl sydd yn derbyn budd-daliadau penodol neu sydd ag anghenion eraill.

Os ydych yn cael trafferth â thaliadau, efallai gall eich darparwr gwirio os ydych yn hawlio’r budd-daliadau rydych yn gymwys iddynt, fel eich bod yn gymwys am y tariffau a’r cynhyrchion gorau i leihau eich biliau.

Mae tariffau cymdeithasol ar gael ar gyfer eich biliau dŵr, tra bod rhai credydwyr yn cynnig tariffau cymdeithasol i’ch helpu gwneud galwadau ffôn symudol a dod ar-lein os ydych yn derbyn budd-daliadau penodol.

Opsiynau eraill

Yn dibynnu ar eich darparwr a’ch sefyllfa, efallai byddent yn eich caniatáu i:

talu llog y benthyciad yn unig hyd nes bod y gallu gennych i ddechrau taliadau misol eto
ildio’n wirfoddol neu roi eitem a brynwyd ar gredyd yn ôl, neu
gwerthu’r eitem a defnyddio’r arian parod i dalu'r balans sy’n weddill neu ran ohono
gwerthu eich cartref yn wirfoddol os na fedrwch fforddio byw yna rhagor
cael mynediad at dariffau gostyngol neu gynlluniau rhyddhad os ydych yn cwrdd â chymhwysedd penodol, neu
eich helpu i gael mynediad at gynlluniau cymwynasgar os ydych yn cwrdd â chymhwysedd penodol.

Cofiwch, byddwch ond yn gallu gwerthu neu roi eitemau yn ôl os yw’ch cytundeb yn eich caniatau i wneud hyn.tract allows you to.

Dileu dyled yn rhannol neu’n llawn

Fel arfer mae credydwyr ond yn dileu dyled lle mae cyfle bach iawn y bydden nhw’n cael ei arian yn ôl yn llawn. Er enghraifft, os ydych yn dioddef neu’n wynebu salwch meddwl neu gorfforol hirdymor neu eich bod methu â gweithio’n barhaol. Bydd angen i chi darparu tystiolaeth o’r amgylchiadau hon cyn i ddarparwr ystyried dileu dyled.

Os ydych yn gwynebu trafferthion ariannol o ganlyniad i newid dros-dro mewn amgylchiadau, mae’n annhebygol y byddent yn cytuno i ddileu eich dyledion.

Nol i’r brig

Ar ôl siarad â’ch credydwr

Os ydych wedi dod i gytundeb newydd gyda’ch credydwr, gofynnwch am gadarnhad ysgrifenedig. Bydd ein rhestr wirio yn eich helpu gyda’ch camau nesaf.

Gwirio telerau’r cytundeb newydd

Pan fyddwch wedi dod i gytundeb newydd, sicrhewch eich bod yn ei gael yn ysgrifenedig. Gofynnwch i’ch darparwr anfon llythyr sy’n amlinellu amodau a thelerau’r cytundeb newydd.

Pan fyddwch yn cael y llythyr, adolygwch y ddogfen yn ofalus i sicrhau bod y cytundeb yn gywir ac nid oes telerau coll neu ychwanegol sydd heb gael eu cytuno.

Os oes camgymeriad, sicrhewch eich bod yn cysylltu â’ch credydwr i drafod eich cytundeb eto a chael copi o’r cytundeb newydd cyn gwneud taliadau.

Os yw popeth yn gywir, dechreuwch wneud taliadau a chadwch at y cynllun.

Cadwch mewn cysylltiad

Mae’n bwysig i roi gwybod i’ch credydwyr am unrhyw newidiadau i’ch sefyllfa ariannol.

Gwnewch nodyn o bwy rydych yn siarad â os oes angen galw yn ôl. Os ydych wedi cytuno i bwyntiau gwirio, yna rhowch nhw yn eich calendr, fel na fyddwch yn anghofio.

Os yw eich credydwr am eich ffonio chi, dywedwch sut byddwch am iddynt gysylltu â chi a rhowch yr amserau orau i’ch cyrraedd chi.

Os ydych yn ffeindio eich bod tu ôl ar daliadau, siaradwch â’ch credydwyr mor fuan â phosib er mwyn dod o hyd i ddatrysiad taliadau newydd sy’n gweithio i chi a’ch cael yn ôl mewn rheolaeth.

Cael help i dorri’n ôl ar gostau

Os oes le i chi dorri yn ôl fel eich bod yn gallu gwneud eich ad-daliadau, gall hwn fod yn rhywbeth i ystyried.

Dysgwch sut i dorri’n ôl ar gostau a dod o hyd i ffyrdd i wneud i’ch incwm fynd yn bellach ymhellach yn ein canllaw Byw ar incwm gwasgedig

Beth i wneud os yw eich credydwr yn eich cyfeirio at gyngor ar ddyledion

Mae’n rhaid i’ch credydwr gweithio â chi i geisio dod o hyd i ddatrysiad ond weithiau ni fydd hwn yn bosibl. Efallai y byddent yn awgrymu eich cyfeirio at gyngor ar ddyledion. Gall hwn fod yn syniad da iawn, yn enwedig os ydych yn cael trafferth gyda thaliadau eraill hefyd.

Gall rhai credydwyr eich trosglwyddo yn syth i gyngor ar ddyledion ar yr un alwad ond os oes angen amser i feddwl arnoch neu rydych am benderfynu ar gynghorydd eich hunan, defnyddiwch ein teclyn canfyddwr cyngor ar ddyledion i ddod o hyd i wasanaethau ffôn, ar-lein a wyneb-i-wyneb yn eich ardal leol.

Nol i’r brig

Beth os na allwch gael canlyniad positif

Darganfyddwch beth i’w wneud os nad ydych yn mynd unrhyw le neu sut i wneud cwyn.

Byddwch yn barhaus

Os ydych yn ffeindio’ch hun mewn sefyllfa lle nad ydych yn gallu cael gafael ar eich credydwr, ceisiwch eto.

Ystyriwch gysylltu â nhw trwy ddefnyddio dull gwahanol, er enghraifft, os na fedrwch gael gafael dros y ffôn, anfonwch e-bost neu lythyr yn lle neu geisiwch ddefnyddio’r gwesgwrs neu WhatsApp.

Mae cael popeth yn ysgrifenedig yn syniad da fel bod gennych gofnod eich bod wedi ceisio cysylltu â nhw, yn enwedig os ydych yn agos i fethu taliad.

Gallwch hefyd ofyn i aelod o’ch teulu neu ffrind rydych yn ymddiried ynddynt i’ch helpu gwneud cysylltiad.

Os ydych yn cael trafferth gyda methu taliadau, yn aml gall cynghorydd dyled cysylltu â’ch credydwyr ar eich rhan a gall bod ganddynt gysylltiadau a all cyflymu pethau.

Gwneud cwyn

Os ydych yn teimlo nad yw eich credydwr yn eich trin yn deg, rhowch wybod iddynt trwy ysgrifennu llythyr neu e-bost. Gallwch ddod o hyd i lawer o awgrymiadau i’ch helpu ysgrifennu cwyn ar wefan StepChange

Gallwch fynd a’ch cwyn ymhellach os nad ydych yn teimlo bod eich credydwr wedi datrys pethau trwy gysylltu â’r cwmnïoedd isod:

Gwasanaeth Ombwdsmon AriannolYn agor mewn ffenestr newydd – ar gyfer cwynion am fenthyciadau personol, benthyciadau diwrnod cyflog, cardiau credyd a siopau, gorddrafftau, morgeisiau, a pholisïau yswiriant
CISASYn agor mewn ffenestr newydd neu Wasanaethau Ombwdsmon: CyfathrebuYn agor mewn ffenestr newydd – ar gyfer cwynion am ddarparwyr ffôn neu ryngrwyd
Gwasanaeth Ombwdsmon: YnniYn agor mewn ffenestr newydd – ar gyfer cwynion am gwmnïoedd nwy ac ynni yng Nghymru, Lloegr a’r Alban. Os ydych yn byw yng Ngogledd Iwerddon, cysylltwch â The Consumer CouncilYn agor mewn ffenestr newydd
Cymdeithas OmbwdsmonYn agor mewn ffenestr newydd – ar gyfer cwynion am wasanaeth cyhoeddus, awdurdod lleol neu adran o’r llywodraeth.

Siaradwch â ni

Angen mwy o help? Cysylltwch â ni am gyngor ariannol diduedd ac am ddim os ydych angen help gyda chyllidebu neu wneud i’ch arian mynd ymhellach, pe bai ar-lein neu dros y ffôn.

Beth bynnag yw’ch ymholiad, rydym yma i helpu. Os nad ydym yn gwybod yr ateb byddwn yn gallu rhoi chi ar y trywydd iawn i gysylltu â rhywun sydd â’r ateb.

Gallwch gysylltu â ni trwy Gwesgwrs, WhatsApp, dros y ffôn, trwy ddefnyddio’n ffurflen ar-lein, neu trwy gyfryngau cymdeithasol

Nol i’r brig

Ydych chi wedi methu taliad?

Eicon biliau ac ebychnod mewn triongl rhybudd melyn

Os felly, nawr yw’r amser i gael cyngor ar ddyledion

Mae am ddim ac yn gyfrinachol
Yn rhoi gwell ffyrdd i chi reoli eich dyledion a’ch arian
Yn sicrhau eich bod yn hawlio’r holl fudd-daliadau a hawliadau cywir

Darganfyddwch fwy am gyngor ar ddyled

Efallai bydd gennych ddiddordeb mewn...

Siarad â’ch credydwr

Buddion siarad â’ch credydwr

Mae’n rhwystro pethau rhag mynd yn wael

Mae’n rhwystro pethau rhag mynd yn wael

Mae’n rhaid i’ch credydwr eich helpu

Mae’n rhaid i’ch credydwr eich helpu

Osgoi benthyg arian

Osgoi benthyg arian

Cael mynediad at grantiau elusennol

Cael mynediad at grantiau elusennol

Osgowch fenthyg arian

Osgowch fenthyg arian

Arbed arian gyda thariff gwell

Arbed arian gyda thariff gwell

Oedd y wybodaeth yma yn ddefnyddiol?

Diolch am eich adborth.

Chwalu mythau – siarad â’ch credydwyr

Myth: Maent ond eisiau arian

Myth: Maent ond eisiau arian

Myth: Byddant yn torri fy ngwasanaeth i ffwrdd

Myth: Byddant yn torri fy ngwasanaeth i ffwrdd

Myth: Byddan nhw'n gwrthod siarad â mi

Myth: Byddan nhw'n gwrthod siarad â mi

Myth: Does dim arian gen i i’w gynnig

Myth: Does dim arian gen i i’w gynnig

Oedd y wybodaeth yma yn ddefnyddiol?

Diolch am eich adborth.

Gwybod lle i ddechrau

Creu rhestr o’ch holl filiau a thaliadau

Creu rhestr o’ch holl filiau a thaliadau

Delio gyda’ch biliau yn y drefn gywir

Delio gyda’ch biliau yn y drefn gywir

Cysylltu â mwy nag un credydwr

Cysylltu â mwy nag un credydwr

Oedd y wybodaeth yma yn ddefnyddiol?

Diolch am eich adborth.

Paratoi i siarad â’ch credydwr

Sicrhewch fod eich gwaith papur yn barod

Sicrhewch fod eich gwaith papur yn barod

Edrychwch ar eich cyllideb

Edrychwch ar eich cyllideb

Dewis sut byddwch yn cysylltu â’ch credydwr

Dewis sut byddwch yn cysylltu â’ch credydwr

Gofynnwch i ffrind neu aelod o'r teulu eich helpu

Gofynnwch i ffrind neu aelod o'r teulu eich helpu

Esbonio eich sefyllfa

Esbonio eich sefyllfa

Oedd y wybodaeth yma yn ddefnyddiol?

Diolch am eich adborth.

Gwneud y cyswllt cyntaf

Gweithredwch nawr

Gweithredwch nawr

Byddwch yn barod gyda phapur a phen

Byddwch yn barod gyda phapur a phen

Ymarferwch beth rydych am ei dweud

Ymarferwch beth rydych am ei dweud

Gofynnwch am gymorth ychwanegol os oes ei angen arnoch

Gofynnwch am gymorth ychwanegol os oes ei angen arnoch

Sicrhewch eich bod yn cael popeth yn ysgrifenedig

Sicrhewch eich bod yn cael popeth yn ysgrifenedig

Oedd y wybodaeth yma yn ddefnyddiol?

Diolch am eich adborth.

Opsiynau gall eich credydwr eu cynnig i chi

Cynllun ad-daliad hyblyg

Cynllun ad-daliad hyblyg

Gwyliau talu

Gwyliau talu

Newid tariff neu gynnyrch

Newid tariff neu gynnyrch

Opsiynau eraill

Opsiynau eraill

Dileu dyled yn rhannol neu’n llawn

Dileu dyled yn rhannol neu’n llawn

Oedd y wybodaeth yma yn ddefnyddiol?

Diolch am eich adborth.

Ar ôl siarad â’ch credydwr

Gwirio telerau’r cytundeb newydd

Gwirio telerau’r cytundeb newydd

Cadwch mewn cysylltiad

Cadwch mewn cysylltiad